وفعلا لما بابا جه ماما لتحت الاوضه بس للاسف دخلوا معاه الناس اللي هتغسله وانا قولت
أماني بتعيط
انا عايزة اغسل أبويا ارجوكم خلوني اغسله انا عايزة ابقي معاه
المغسل
مينفعش يا بنتي لازم اللي بيغسلوه يكونو رجاله إنما حريم لا لو سمحتي
أماني بانهيار
انا مليش دعوه بقولك انا اللي عايزة اغسل أبويا ارجوكم خلوني معاه انا مش هسيبه يا حبيبي يا بابا
المغسل
طيب اسمعي يا بنتي احنا لما نخلص الغسل ونكفنه انا هنادي عليكي تشوفيه لاخر مره
وفعلا غسلوه وكفنوه وندهو عليا وانا دخلت وكنت لوحدي وقولت لنفسي
أماني
يا ترى الدهب فين بقا وفتحت الدولاب ولقيته وقولت طيب انا هخرج بيه من هنا إزاي بقا اكيد كل اللي بره هيشوفوني انا احط الدهب في كفن بابا وبعدين انا اروح اخده من القبرلما يدفنوك
وخرجت وماما قالت لي
سوسن
شدي حيلك يا أماني يا بنتي ابوكي كان غالي عندي اوي الله يرحمه
أماني
الله يرحمه انا قاطع في قلبي اوي يا حبيبي يا بابا
عصام
معلش يا حبيبتي أن شاء الله باباكي في مكان احسن من هنا كتير ادعي له
وبعدها اخدوا بابا وراحوا دفنوه وعصام رجع وقالي
عصام
هل عملتيه إيه يا روح الروح الدهب فين انا عارف اكيد انتي خدتيه ساعه لما كنتي جوه عنده هو فين بقا وريني عايز املي عيني
أماني
وطي صوتك يا عصام ماما هتسمع وبعدين انا معرفتش اخد الدهب اخليه معيا فخبيته معاه هو
عصام باستغراب
مع مين يا أماني
أماني
ماهو انا لما كنت عند بابا في الموضه مفتش اخبي الدهب فين رحت حطيته في الكفن وقولت لما يدفنوه اروح انا واخده
عصام
يا بنت الجنيه ده ايه الدماغ السم دي طيب بقولك إيه انا هاروح ادي قرشين للتربي واجيبه
أماني
لا يا حبيبي انا رجلي علي رجلك احنا نرجع البيت بكره ونشوف بقا هنروح نجيبه بس يكون بالليل
وفعلا عدت الأيام ورحت المقابر وفتحنا الترب ودخلت انا وعصام عند بابا وفضلت أفتش في الكفن ملقتش حاجه اتصدم وقولت
أماني
الحق يا عصام انا مش لاقيه حاجه خالص
عصام
ازاي الكلام ده يعني هيكون راح فين يبقا اكيد الراجل التربي هو اللى اخد الدهب تعالى نروح نواجه
عصام
انت يا راجل انت اطلع باللي انت اخدته من جثه حمايا
التربي
نعم انت بتقول ايه يا كده انت جثه إيه دي وانا هاخد منها إيه مش فاهم وانتو إزاي اصلا تفتحو المقبرة انا هبلغ عنكم
عصام بص لي ورجع بص للراجل وقاله
عصام
ايتهدي بالله يا حج انا حمايا اتدفن امبارح وجه لمراتي في المنام أن هو نفسه يشوفها وهي جات عشان كده
التربي
ربنا يرحمه بس ياريت بقا تمشوا ومترجعوش هنا تاني بدال والله أبلغ عنكم يلا اتفصلوا امشوا
ومشيت انا وعصام وقالي
الراجل شكله مخادتش حاجة يا أماني بس هيكون مين اللي اخده
أماني
يبقا مفيش غيرة أخويا انا لازم اروح ابهدله قدام آمنا يلا بينا يا عصام
عصام
يا حبيبتي مش هينفع تروحي تقولي لامك انك تعرفي أن في دهب
أماني
اومال اعمل ايه يعني
عصام
احنا نستني بس يوم ولا حاجه وكل حاجه هتبان
وبعدها لقيت ماما جمعتني انا واخويا وقالت
الام
دلوقتي يا ولاد ابوكم لما كان بيبقا معاه قرش كان بيروح يجيب دهب وانا كنت شيلاه في الدولاب خودي يا اماني المفتاح اهو وادخلي هاتيه
ورحت داخله وقولت لماما
أماني
هو انتي متأكدة انك كنتي حطه الدهب في الدولاب يا ماما
الام
ايوه يا بنتي كان في الدولاب ازاي مش موجود
وبقيت وليد وقولت
أماني
مش ممكن يكون حد سرقة يا ماما صح ولا إيه
وليد
ايوه فعلا يا ماما هو في حد سرقة بجد وانا شوفته بعيني
الام
انت بتقول ايه يا وليد يعني انت عارف مين اللي سرقنا قولي يا بني مين
وليد
اهي اتفضلي شوفي بعينك بنتك اللي كانت زعلانه علي ابوها وعامله نفسها روحها هتروح وراه شوفيها وهي بتسرق الدهب وبتحطه في كفن أبوها اللي معملتش حساب لحرمة الميت
أماني
انت كنت حاطط كاميرا في الاوضة اله يبقا انت اللي رحت سرقته من التربة
وليد
وانتي كنتي فاكرة انك هتاخدي حاجه ده ربنا اللي كشفك عشان طمعك وغلك وحقدك مننا
أماني
انا برضو يا حرامي اسمع لما أقولك انا عايزة الذهب
وليد
روحي كده يا اماني قولي أن اخدت حاجه وانا هودي الفيديو ده النيابة ويسجنوكي
الأم بتزعق
بااااس منك ليها حرام عليكم انتوا إيه اللي بتعملوه ده بقا انتو تعملوا في بعض كده عشان شويه دهب انتو شوفتي أبوكم راح ومخدش حاجه معاه اهو انتو عايزين إيه الله يسامحكم ياولادي
وماما تعبت وانا بعدها عرفت اني غلطانه وكمان عصام وأمه اللي كانو بيسخنوني علي امي واخويا بعدها ندمت علي اللي عملته في حق أمي واخويا وطلبت الطلاق من عصام ورحت بيتنا وطلبت السماح من أخويا وماما وبعدها قولت اني مش لازم أطمع ابدا وارضي باللي ربنا قسمه ليا
وبكده تكون خلصت حكايتي