وليد
طيب ما تيجي يا حبيبتي هو حد حاشك ده بيتك ده اصلا يلا احنا هنمشي بقا وابقي سلمي علي عصام سلام يا ماما مش عايزة حاجة
ومشي هو ومراته وانا قولت لماما
أماني
بقولك ايه يا ماما هاتي المفتاح بتاع شيقتهم لما اطلع كده اشوف الهانم مراته نضيفه كده ومنضفه شقتها ولا سيبها معفنه
الام
مفتاح ايه يا اماني انا مش معايا مفاتيح أصلا وبعدين انتي مالك شقتها نضيفه مش نضيفه دي حاجه ترجع لها هي ملكيش دعوة
اماني
يعني كمان مش مدياكي نسخه من المفتاح أصلا انتي مش بتطلعي شقتها
الام
وانا نطلع شقتها اعمل فيها ايه يقولك ايه يا أماني احنا هنا مش زي حماتك الله يخليكي يا بنتي لازم تفهمي أن اخوكي ومراته دول ليهم خصوصية وانا ملناش دعوه
اماني
والله انتي غلبانة اوي يا ماما الصراحه يعني
وفي الوقت ده دخل بابا من برة وقال
عبده
اهلا يا أماني ازيك يا بنتي هو في ايه يا حبيبتي هو انتي كل يوم والتاني عندنا هنا اوعي يكون عصام مزعلك ولا حاجه
أماني
لا يا حبيبي وهو عصام بيزعلني برضو طب ده حتي بيتمني لي الرضا أرضي
عبده
طب الحمد لله يا بنتي ربنا يهدي سركم يارب دايما بقولك ايه يا سوسن تعالي جوه في الاوضه عايزك في كلمتين كده
ودخل ماما و بابا الاوضه وانا وفقت اتسنط عليهم وسمعت بابا بيقول
عبده
خودى يا سوسن الدهب ده حطيه مع اخواته في الدولاب
سوسن
حاضر يا عبده بس انت اشتريت تاني ليه ده احنا كده بقا عندنا دهب كتير اوي
عبده
عشان انتي عارفه أن الدهب قيمته بتزيد مع الوقت واهو كله فلوس متشاله بس بقيمة كبيرة يا سوسن وبعدين انا لو جرا لي حاجه ده يبقا ورثك انتي والعيال
سوسن
بعد الشر عليك يا عبده أن شاء الله اللي بيكرهك ياخويا يارب
وانا سمعت كل اللي دار بينهم ورجعت البيت وحكيت لعصام وقالي
عصام
حلو اوي الكلام ده يا حبيبتي الدهب ده طبعا هيبقا من نصيبك انتي لوحدك
أماني
ليه بقا يا عصام ماهو اخويا اكيد ليه فيه
عصام
ازاي الكلام ده بقولك إيه فتحي مخي يا اماني وبطلي غباء كده المعروف في كل مكان أن البنت هي اللي بتورث الدهب مش الراجل خليكي زكيه ولو لمرة بقا
أماني
طيب والعمل أره يا حبيبي عرفني
عصام
الدهب ده لازم يكون عندنا هنا انتي حاولي تجبيه هنا
أماني
هاشوف هعرف اجيبه ولا لأ
وبعدها عدت الأيام وفي يوم لقيت ماما بترن عليا وبتقولي أن بابا في المستشفى رحت بسرعه وقولت
أماني
بابا ماله يا ماما ايه اللي حصله انا كنت سيباه من يومين زي الفل إيه اللي حصل
سوسن
معرفش والله يا أماني هو رجع من الشغل تعبان ومره واحده أغمي عليه جبناه علي هنا الدكتور بيقول جلطه
عصام
لا حول ولا قوه الا بالله ألف سلامه عليه يا حماتي ربنا يشفيه ويعافيه يارب
أماني
يا حبيبي يا بابا طيب انا نفسي أشوفه هو ينفع ولا إيه
وليد
الدكتور مانع الزيارة يا اماني شويه كده وهيدخلنا
اماني
طيب يا ماما انا هاروح شقتكم انضفها عشان لما بابا يخرج بالسلامة أن شاء الله تكون الدنيا نضيفه
سوسن
انا منضفه الشقه يا أماني متتعبيش نفسك يا بنتي كفايه اللي عندك
أماني
يا ماما مافيش تعب ولا حاجه هاتي انتي المفتاح بس
وفعلا رحت هناك الشقه والاوضه اللي فيها الدهب مقفوله ومعرفتش أدخلها وقولت لعصام في التليفون
عصام
يعني ايه الكلام ده يبقا امك واخوكي آمنوا نفسهم وعملوا حسابهم أن ابوكي هيروح وياخدوا كل حاجه هما لوحدهم
أماني
طيب هعمل ايه يا حبيبي دلوقتي
عصام
احنا نستني بقا لما نشوف ايه اللي هيحصل بعد كده بس انتي اياكي تسيبي حقك
وبعد يومين لقيتهم بيقولوا أن بابا راح خلاص ساعتها انهارت وقولت
أماني
ازاي بابا يروح كده ازاي يا ماما ده كان كويس أره اللي حصل عشان يروح كده
وليد
اندي يا أماني ده ربنا اخد أمانته الله يرحمك يا بابا يقولكم ايه وضبوا البيت كده عشان هو هيجي يتغسل هنا
أماني
انا نفسي أشوفه يا وليد ارجوك نفسي أشوفه خليهم يجيبوه بسرعه
وليد
إن شاء الله يا اماني هو جاي في الطريق يا ماما لما يجي والناس بتاعت الغسل تيجي ابقي افتحي الموضه دي عشان بابا يتغسل فيها
سوسن
حاضر يا وليد اللي تشوفه يا حبيبي انا هعمله يا بني
وانا رحت لعصام مكان ماهو قاعد وقولت له وقالي
عصام
حلو اوي الكلام ده يا حبيبتي فرصتك وجات انتي دلوقتي انتي اول لما ابوكي يوصل ويدخل الاوضه انتي تدخلي معاه وتاخدي الدهب تخبيه ماشي
أماني
حاضر يا حبيبي بس تفرض حد شافني اعمل إيه بس
عصام
محدش هياخد باله هما في ايه ولا في ايه