حطيت الدهب فى نع.ش ابويا

حطيت الدهب في كـ,ـفن ابويا بعد ما اتـ,ـوفي ولما اتدـ,ـفن وروحت عشان اخد الدهب اتصدمت من اللي حصلي…..

وقبل بدأ حكايتي اعرفكم بنفسي انا اسمي أماني عندي ٢٧ سنة متجوزه وعايشه في بيت عيلة مع حماتي وفي يوم حماتي طالعه عندي بتقولي

الحما

جرا ايه يا ست اماني هو انتي كل لما اسال عليكي عصام يقولي معلش يا ماما سبيها النهاردة متخليهاش تنزلك اصلها تعبانة

أماني

ماهو انا فعلا تعبانه اوي النهارده يا حماتي ومش قادرة انزل اعمل حاجة هي بسمه مش جايه لك النهارده ولا أيه كانت عملت لك هي الشقة بدالي

الحما

لا يا حبيبتي انا بنتي بتيجي هنا عشان ترتاح في بيت أبوها شويه مش تيجي تشتغل هنا وانتي ان شاء الله مش هتعملي حاجه خالص

اماني

يعني فيها لما هي تيجي وتعمل في بيت امها زي ما بتعمل في بيتها انا مش عارفه ايه المشكله

الحما

لا ياختي انتي اللي تعملي برضو وبطلي دلع النسوان ده ويلا تعالي علي تحت عشان تشوفي الشقه

أماني بعصبيه

حاضر يا حماتي انا عارفه ان مفيش فايده فيكي ولو بطلع في الروح قدامك مش هتصدقي برضو ماهو افتري وخلاص ده أنتي حتي يبقا حرام عليكي يا شيخة

الحما

انتي بتزعقي فيا يا بت كمان هي حصلت تقولي عليا مفتريه أيوه يا اماني انا ست مفترية واذا كان عجبك بس لماا جوزك يرجع بس أنا هفرجك

أماني

عارفه اني مش هخلص من لسانك انا عارفه يا حماتي عايزة بنتك ترتاح وتتعبيني انا طيب ما انا تعبانه قدامك وابنك قالك اني تعبانه لاكن لا عمرك ما تصدقي ابدا

وبعدها نزلت لحماتي وفضلت اشتغل في شقتها لحد لما رجع عصام وأمه قالت له

الحما

كويس انك جيت يا عصام تعالي شوف مراتك واللي عملته فيا النهارده يرضيك كده أنها تزعق فيا يرضيك

عصام

وهي زعقت فيكي ليه بس يا ماما ايه اللي حصل وبعدين هو انا مش قولت لك سبيلها النهارده متخليهاش تعمل حاجه

الحما

يعني ومين اللي هيعمل وبعدين انت بتصدق دلع البنات بتاعها ده يا عين امك خليك ماشي وراها كده علطول

عصام

عشان خاطر يا ماما انا مش عايز اي مشاكل الله يخليكي بصي انا هتكلم معاها وأشوف ازاي هي تزعق فيكي

وبعدها طلع عصام وقالي

عصام

ايه اللي انتي عملتيه مع امي ده يا اماني يعني هو انا كل لما اجي الاقي مشاكل في البيت هنا بينك وبينها وانا قايل لك بلاش امي

اماني

بقولك ايه يا عصام انا مش عايزة وجع دماغ امك اصلا هي اللي عماله تجر في شكلي وانا وهي بقا بصراحه انا عايزة اروح يومين عند ماما اصل سمعت أن أخويا وليد عايز يخطب

عصام

ايه يبقا كده طبعا ابوكي هيساعده في الجهاز اكيد هيديه فلوس

اماني

طيب يعني انا هعمل ايه حتي لو بابا هيديه فلوس

عصام

نعم يا حلوه ازاي بقا يا اماني هو ده مش ورثك ولا ايه انتي لازم تبقي عارفه كل مليم بيروح فين يا حبيبتي ااه

اماني

تصدق يا عصام انا فعلا فتحت عيني علي كده لا ده انا فيها لاخفيها بس انا مره ماما قالت لي أن بابا كل فلوس بتبقا معاه بيشترى بيها دهب وبيعينه

عصام

انا مليش فيه دهب مش دهب المهم انتي تبقي عارفه فلوس ابوكي بتروح فين لحسن اخوكي ياكلك

اماني

متقلقش يا حبيبي هو انا هسيب له حاجة ابدا انا لا يمكن اسيب له حاجة

وتاني يوم اخدت بعضي ورحت علي بيت بابا وقولت لماما

اماني

ايه الحكايه يا ماما ابنك هيخطب فعلا وانتو بقا عرفت العروسه بنت مين ومن عيلة مين

الام

واحنا من أمتي يا اماني وانا بندور علي هي بنت مين ولا من عيلة مين احنا لاقينا البنت محترمه ومؤدبه والأهم من كده أن اخوكي بيحبها

اماني

ااه طيب يارب بقا تطلع كويسه معاكي وتتعامل معاكي زي ما انا بتعامل مع حماتي كده يا ماما وتبقي بقا شغاله عندك هنا في البيت

الام

وانا أشعلها ليه في البيت يا أماني يا بنتي ماهي عندها شقتها تبقا تعمل فيها اللي هي عايزاه

أماني

يلهوي يا ماما يعني انتي ناويه تخليها تقعد عندك هنا هانم والله انتي غلبانة اوي يا ماما

الام

بقولك ايه يا حبيبتي اسكتي انتي بس وادخلي باركي لاخوكي وادعي له أن ربنا يصلح حاله

ودخلت عند وليد أخويا في اوضته وقولت له

اماني

ازيك يا وليد الف مبروك يا حبيبي دي ماما قالت لي عن العروسه اللي انت هتروح تخطبها والله فرحت لك اوي

وليد

الله يبارك فيكي يا حبيبتي احنا رايحين بكرة كلنا ابقي خلي عصام جوزك يجي بقا عشان يروح معانا

اماني

طبعا هيجي يا حبيبي هو يقدر يتأخر عنك يا وليد بس قولي هو انت خلصت كل حاجتك ولا لسه في حاجة ناقصه

وليد

والله يا اماني اديني عمال اجيب الحاجة والاسعار طبعا مولعه زي ما انتي عارفه فاحنا هنجيب شويه بشويه

اماني

اااه يعني انت عايز تفهمني أن بابا مش هيساعدك بفلوس ولا حاجه

وليد

لا طبعا وبابا يساعدني ليه ما انا بشتغل والحمد لله شغلي زي الفل بجيب منه مرتب كويس

اماني

جدع ياخويا ربنا يرزقك يارب أنا برضو قولت أن أخويا عمره ما ياكل حقي ابدا ويفضل محافظ لي عليه

وليد

ايه الكلام ده يا اماني مش فاهم اكل حقك ازاي يعني وايه هو حقك ده بالظبط

اماني

انا اقصد حقي في ورث بابا انا قولت لحسن انت تفضل تاخد منه فلوس عمال علي بطال وانا ملقيش حاجة لنا خالص

وليد

حقك في ورث بابا اللي هو ايه ده وابوكي لسه موجود الي وش الدنيا انتي ازاى تقولي الكلام ده

اماني

انا بتكلم عن بعد كده يا وليد وبعدين ما انا عارفه أن بابا عايش وحسه في الدنيا ربنا يديله له الصحة يارب

وليد

لا والله وانتي بقا كلامك ده بيدل علي انك بتتمني لبابا الصحة يا شيخه حرام عليكي وبعدين هو انتي بتدورى علي ايه هو مش انتي جالك احلي جهاز في الدنيا لسه جايه تدورى علي ورث

اماني

اااه قول كده بقا انت فعلا طمعان في تبوك وعايز كل حاجه ليك لوحدك بس ده بعضك يا حبيبي اني اسيب لك مليم واحد من ورثي

وليد

بقولك ايه اسكتي مش عايز اسمع صوتك اسكتي خالص يا ساتر منك

ودخلت علينا ماما وقالت

الام

في ايه يا ولاد مالكم كده انتو بتزعقوا ولا ايه

وليد

مفيش حاجه يا ماما انا خارج اصل انا اتخنقت من هنا

ومشي وانا قولت

أماني

شوفتي ابنك يا ماما مش طايقني في البيت إزاي بس برضو انا هاروح معاه عشان اشوف عروسه الغبره بتاعته دي شكلها كده هتقسيه علينا

الام

ربنا يهديكي يا بنتي يارب

وتاني يوم روحنا بيت العروسه وانا لما شوفتها معجبتنيش مع أن أخويا كان طائر بيها وأبوها قال

الاب

انتو نورتونا يا جماعه والله يا اهلا وسهلا بيكم انا بنتي نهي قالتلي يا وليد انك بتجهيز حاجاتك وقربت تخلص ايه الحكايه قربت ولا عايز مساعده

وليد

لا يا عمي انا أن شاء الله هجيب كل حاجه لنفسي بنفسي انا شغال الحمد لله وبجيب كل حاجه

ورد بابا وقال

عبده

والله يا حج محمد انا نفسي اساعده الخير كتير والحمد لله بس هو اللي رافض اصل وليد طول عمرة راجل وبيحب يعتمد علي نفسه

أماني

اه طبعا طول راجل وبيحب يعمل كل حاجه بنفسة وبعدين يا بابا ما انت ساعدته كتير في التعليم ودخل الجامعة انا شايفه بقا أنه آن الأوان أنه يعمل كل حاجه لوحده

وليد

والله يا اماني انا مكنتش مستني منك تقولي كده انا عارف نفسي كويس اقدر اجيب ايه واعمل ايه

عبده

ربنا يحميك يا وليد يا بني بس برضو خير ابوك كله موجود

محمد

ربنا يخليك ليهم يا حج عبده هما طبعا من غيرك ولا حاجه علي العموم إحنا نقرأ الفاتحه علي الإتفاق اللي بينا ده

وكلهم بقو يقروا الفاتحه وانا بقيت أبص للعروسه بغيظ اوي مكنتش طيقاها هي وعليتها الصراحه ورجعت البيت وعصام قالي

عصام

اما اخوكي ده لئيم بشكل يا اماني بقا هو مش عايز ابوكي يساعدة طبعا كان بيعمل كده قدام نسايبه عشان يعمل نفسه راجل أوي وهو من ناحيه تانيه بيخطط أنه ياخد من ابوكي فلوس

أماني

تصدق انا مخادتش بالي يا عصام انا حاسه انها مش هيجيبها لبر وهيشطب علي فلوس أبويا بس انا مش هسيبه

عصام

انتي من هنا ورايح تفضلي مفتحة عينك علي اخوكي ده اصل الواد وليد ده طول عمرة مش سهل

وعدت الايام وجه يوم الفرح وكنت عند العروسه في الكوافير وقولت لها

أماني

علي فكرة يا نهي الفستان بتاعك مش اد كده انتي عارفه انتي لو كنتي اختارتي فستان فيه ترأس اكتر من كده كان هيبقا احلي من ده

نهي

ازاي بقا يا اماني انا حتى شايفه أن الفستان ده رقيق جدا وحلاوته أن هو مفيهوش شغل كتير

اماني

لا لا الصراحه إنتي طلع ذوقك بلدي شويه علي العموم كل واحده وزوقها بقا

ردت أختها وقالت

مي

علي فكرة يا أبلة أماني انا اختي نهي زوقها مفيش منه دي اكتر واحده في العيله الكل بياخد رأيها في كل حاجه

اماني

الله طيب ومالو يا حبيبتي علي العموم دي حاجه ترجع لكم

ومشي قالت لنهي بصوت واطي

مي

يعني اليوم اجيبها من شعرها دلوقتي يا نهي ولا اعمل فيها ايه اعوزو بالله باين عليها بغل

نهي

ارجوكي يا مي خليها تعدي على خير انا مليش دعوه بيها انا مش هعيش معاها اصلا خليها تقول اللي تقولو

مي

بس اللي زي دي مش هيجي من وراها اي خير خالص انا حاسه انها مش هتسكت غير لما تعمل مشاكل علطول

نهي

ما انا قولت لك بقا انا مليش دعوه بيها انا مليش غيرك وليد ومامته وهما الاتنين طيبين وعمي كمان اطيب منهم لكن دي معرفش مالها الصراحه

وانا قولت الكوافيره

اماني

بقولك ايه يا حبيبتي انا عايزاكي تعملي لي مكياج نفس بتاع العروسه بالظبط ماشي

الكوافيرة

بس حضرتك العروسه لازم يكون مكياجها ليها لوحدها وميكونش حد زيها

أماني

ليه أن شاء الله هي سندريلا ولا تكونش سندريلا وانا معرفش بقولك ايه اعملي اللي بقولك عليه وانتي ساكته انا دافعه فلوس يا حبيبتي

نهي

اعملي لها اللي هي عايزاه يا نديم هو انا اطول اني اكون انا وابله اماني زي بعض

اماني

اروع كده اتفضلي بقا اعملي اللي مطلوب منك شوفي شغلك

وخلص اليوم والفرح خلص ورجعت البيت انا وعصام وأمه قالت لي

الحما

هو إيه ياختي الفرح ده كله انتي شوفتي الاكل والشرب والناس والفرح كان عامل إزاي هو ابوكي ده لاقي الفلوس في الأرض ولا ايه علي رأى المثل اللي معاه قرش محيرة

اماني

وهو بابا يعني اللي عامل الفرح يا حماتي ده أخويا هو اللي عامل ده كله

الحما

وانتي بقا صدقتي أن اخوكي هو اللي عمل الليله دى من فلوسه وهو اخوكي بيشتغل ايه يعني اللي هيجيب فلوس الفرح الضخم ده

اماني

انتي قصدك ايه يا حماتي اومال يعني هيكون عمل الفرح ده كله منين

الحما

ياختي وانتي عبيط للدرجة دى يا بت يا هبله اكيد ابوكي هو اللي دافع بس هما قالو قدامك أن اخوكي هو اللي عمل عشان انتي متقوليش اشمعنا وتاخدي منهم حاجه

عصام

بقولك ايه يا ماما سيبك منها اماني مراتي أصلها طيبه اوي ومش بتاخد بالها من الحاجات دي وهما ضحكين عليها بكلامهم ده

أماني

ماهو انا هعمل ايه يعني يا عصام هو انا عايشة معاهم عشان اعرف هما بيفكروا ازاي انا نفسي أعرف كل حاجه بتحصل هناك في بيتهم بس مش عارفة

عصام

يبقا تروحي لهم كل يوم وتشوفي اللي بيحصل هناك منهم وكمان البت اللي اخوكي اتجوزها دي كمان أهلها مش ساهلين

اماني

خلاص يا حبيبي انا هعمل كل اللي انت قولت لي عليه

وعدت الايام وبعدها روحت البيت عند ماما ولقيتها بتروح البيت وقولت لها

أماني

ايه ده يا ماما معقول انتي اللي بتنضفي البيت بنفسك اومال الشملولة مرات ابنك منزلتش ليه هي مش بقالها شهرين متجوزه ولا لسه عامله فيها عروسه

الام

هو في ايه يا اماني مالك داخلة حاميه أوي كده ليه وبعدين انا اللي مش عايزة مرات اخوكي تنزل تعمل حاجه في البيت أصلا

أماني

يا سلام وليه بقا أن شاء الله يا ماما علي رأيها نقش الحنه ولا ايه المفروض انها تنزل وتشتغل في البيت اومال انتي بتجوزي ابنك ليه

الام

وهو انا كنت بحوزة عشان اجيب مراته تشتغلي خدامه ولا ايه

أماني

طيب واشمعنا انا بعمل لحماتي كل حاجه في البيت ولو يوم منزلتش لها بتعملي مشكله وحوار

الام

بصي يا أماني يا بنتي انتي اللي من الاول اللي قبلتي علي نفسك على نفسك انك تبقي خدامه عند حماتك دي حريه بقا يا بنتي

أماني

طيب يا ماما انا غلطانه اني عامله عليكي وخايفة عليكي تتعبي من شغل البيت

الام

لا يا حبيبتي متخافيش طول ما انا بصحتي وبحب اعمل لنفسي كل حاجه بنفسي خليكي انتي في حالك

ولقيت وليد نازل هو ومراته من فوق وعاملين يهزرو ويضحكون وماما قالت لهم

الام

ايه يا حبايبي علي فين كده أن شاء الله

وليد

احنا رايحين نتفسح شويه يا ماما ايه ده انتي هنا يا اماني عامله إيه يا حبيبتي وحشاني والله من امبارح

اماني

يا سلام قصدك ايه بقا أن شاء الله ياسي وليد قصدك اني باجي كل يوم هنا علي فكرة ده بيت ابويا يعني اجي وقت ما انا عايزة