بقلم حورية مصطفى

ليـل بهدوء: خلينا نكمل الحفله وبعدين نبقا نشوف الموضوع ده..

وتين ببراءه: بـابي شيلني..

ادم بحب: حاضر يــا عيون بابي..

بعد مرور 3 ساعات الحفله انتهت..

وذهب الجميع الي المستشفى لإجراء التحليل..

على بهدوء: للدكتور لو سمحت عايزين نعمل تحليل 𝐷𝑁𝐴..

الدكتور: تحت امرك وطلب من الممرضه تاخد عينه من زهره ومن قمر..

ادم: النتيجه ممكن تظهر أمته يا دكتور..

الدكتور بهدوء: كمان 3 ايام..

ليل بجديه: مينفعش تظهر بدري عن كده..

الدكتور: تمام تقدرو بكره تيجوا تاخدوا نتيجه التحليل..

ليل بهدوء: شكرا..

الدكتور: العفو عن اذنك..

قمر بهدوء: كل اللي بيتعمل ده ملهوش اي لازمه لان مدام زهره مش اختي وعن اذنكم لازم امشي عشان زمان ماما قلقانه عليا وتركتهم وغادرت المستشفى..

بعد فتره غادر الجميع المستشفى..

✰ـــــــــــــــــــــــــ✰

في منزل ادم..♥

كان الجميع في حاله صمت..

ليـل كان قاعد وحس بتقل علي كتفه بص لقي زهره نايمه علي كتفه..

ساره بإبتسامة: قوم دخلها تنام جوه يــا ليـل لان النهرده كان متعب ليها..

ليـل بإبتسامة: طيب..

ليـل شال زهره ودخلها عشان تنام براحتها..

وتين بطفوله: علي انـا عايزه انام انـا كمان..

علي بحب: طيب يــا وتيني..

ادم بغيظ: شوف بنت ** من وقت ما علي جايه وهي مش بتنام غير معاه..

علي بضحك: مو”ت من قهر”ك وحقد”ك يــا ادم..

ساره بضحك: ههههه معاك حق يــا علي هو متغاظ اوووي شكله كده..

ادم بغيظ: هي بقت كده يــا سوسو..

ساره بإبتسامة: ايوه يـا دومي..

علي بإبتسامة شال وتين وقال: يلا تصبحوا علي جنه..

ادم و ساره: وانت من اهلها..

✰ــــــــــــــــــــــــــــ✰

في منزل قمر..💙

بسمه بحزن: ماالك يــا قمر من وقت ما جيتي من الحفله وانتي مش علي بعضك..

قمر بإبتسامة: انـا كويسه يــا ماما..

بسمه بحب: متاكده يــا حبيبتي..

قمر بإبتسامة: متاكده..

بسمه بحنان: اتمني متكنيش مخبيه حاجه عليا..

قمر بضحك: من امته وانا بخبي عليكي حاجه..

بسمه بحزن: مش عارفه حاسه انك مخبيه عليا حاجه مهمه..

قمر بإبتسامة: متقلقيش..

بسمه بحب: طيب يــا حبيبتي..

قمر بهدوء: انتي اكلتي ولا لسه..

بسمه بحب: كنت بستناكي انتي عارفه اني معرفش اكل من غيرك..

قمر بإبتسامة: طيب هقوم اغير هدومي لحد ما تسخني الاكل يــا بسمتي..

بسمه بضحك: حاضر يــا حبيبتي..

بعد ربع ساعه بسمه كانت جهزت الاكل..

قمر بإبتسامة: الاكل ريحته حلووه اوووي..

بسمه بحب: انتي احلي يــا حبيبتي..

قمر وبسمه بدوا ياكلوا وبعد وقت انتهوا من تناول الطعام..

قمر بإبتسامة: يلا انا هدخل انااام لان يومي كان متعب 😩..

بسمه بحنان: طيب يــا حبيبتي ادخلي ارتاحي انتي..

✰ـــــــــــــــــــــــــ✰

في صباح يوم جديد.. ♡

في منزل ادم..

ليـل بإبتسامة: مالك يــا زهرتي..

زهره بحزن: خايفه..

ليـل بحب: خايفه وانـا معاكي يــا زهرتي..

زهره بإبتسامة: مستحيل اخاف وانت معايا يـا ليـل انت سندي واماني وكل حاجه ليا..

ليـل بحب: امال خايفه من ايه يــا حبيبتي..

زهره بإبتسامة حزن: ان بعد السنين دي ويطلع عندي اخت بعد ما كنت وحيده وماليش اخوات هيطلع عندي اخت..

ليـل بإبتسامة: دي حاجه كويسه يــا زهره..

زهره بهدوء: ازاي..

ليـل بإبتسامة: هيكون عندك اخت تشاركك وقت حز’نك وفرحك.. تحكيلها علي اللي بيحصل في يومك.. تخرجوا مع بعض..

زهره ابتسمت: ممكن هي مش تتقابلني يــا ليـل..

ليـل بإبتسامة: ومين قال كده..

زهره بحزن: انا فهمت كده من طريقه كلامها..

ليـل بحب: هي كانت مصدومه زيك يــا حبيبتي مش اكتر..

زهره بإبتسامة: اتمني يكون كده..

ليـل بحب: يلا نخرج لاننا اتاخرنا اوووي عليهم..

زهره بإبتسامة: يلا..

خرج كل من ليل وزهره من الغرفه..

على بهدوء: جاهزين يا جماعه خلينا نطلع دلوقتي..

زهره بتوتر: على هو انتي لي متأكد كده ان قمر اختي يمكن تكون واحده بتشبهني مش اكتر..

على بجديه: لا يا زهره قمر اختك واللي هيثبت ده هو نتيجه التحليل يلا عشان مش نتاخر..

وخرج الجميع من المنزل..

✰ــــــــــــــــــــــ✰

في منزل قمر..♥︎

بسمه بحب: يلا يا حبيبتي تعالي افطري قبل ما تنزلي..

قمر بكذب: معلش يا ماما اصل اتاخرت على الشغل..

بسمه: مش هينفع كده يا قمر اهمالك في صحتك ده يا بنتي انا مليش غيرك متوجعيش قلبي عليكي..

قمر بحب راحت باست بسمه وقالت متخفيش يا ست الكل والله هاكل في الشغل بس لازم اطلع دلوقتي لاني متأخره ومش عايزه اتأخر زي كل مره..

بسمه بحب: طيب يا حبيبتي روحي وابقى طمنيني عليكي وكلي كويس..

قمر بطاعه: حاضر..

وخرجت قمر من المنزل وذهبت الي المستشفى..

في المستشفى كان الجميع يقف بتوتر منتظرين.. نتيجه التحليل..

حتى خرج الدكتور من الغرفه..

ليل بتوتر: ها يا دكتور نتيجه التحليل اي..

الدكتور بعمليه: نتيجه التحليل طلعت مطابقه بنسبه %99..

قمر بصدمه: ايه وفجأه اغمي عليها..

على بخوف: قمرررر..

يتبع…

ال 22 /

الدكتور بعمليه: نتيجه التحليل طلعت مطابقه بنسبه %99..

قمر بصدمه: ايه وفجأه اغمي عليها..

على بخوف: قمرررر..

جري على على قمر قبل ما تقع على الأرض وشالها ودخلها اوضه عشان الدكتوره تفحصها..

على بخوف :حد ينادي لي الدكتور..

ليل بهدوء :اهدا يا علي انا ندهت عليها..

وبعد فتره جاءت الدكتوره..

الدكتوره بعمليه :ممكن الكل يخرج بره عشان اعرف افحص المريضه..

اوم الجميع في صمت وغادروا الغرفه..

زهره بدموع: حضنت ليل وقعدت تعيط..

ليل بخوف عليها اهدي يا زهرتي هتبقى كويسه..

زهره بدموع: كل اللي حصل ده بسببي انا عشان عرفت انها اختي تعبت انا ليه مفيش حد بيحبني يا ليل..

ليـل بحب: انـا بحبك يــا زهرتي حبي ليكي مش مكفيكي..

زهره بإبتسامه حضنت ليـل وقالت: انت غيرهم كلهم يــا ليـل انـا بحبك اوووي♥ بس انـا زعلت لانها تعبت لما عرفت اني اختها..

ليـل بحب: هي اتصدمت مش اكتر مكنتش تتوقع بعد السنين دي كلها ويطلع عندها اخت يــا حبيبتي..

زهره بإبتسامة: يعني هي هتحبني وهتتقابلني يــا ليـل..

ليـل بحنان: مفيش اخت ما بتحبش اختها يــا زهره..

زهره بإبتسامة: معاك حق..

بعد مرور نصف ساعه خرجت الطبيبه من الغرفه..

على بخوف جري عليها طمنيني يا دكتور قمر كويسه

الدكتوره بعمليه : للأسف عندها انهيار عصبي نتيجه انها اتعرضت لصدمه كبيره ياريت بلاش تضغطوا عليها الفتره وهي هتفوق كمان نص ساعة عن اذنكم..

علي بإبتسامة: اتفضلي..

زهره بهمس لـ ليـل: ليـل انـا جعانه اووي وبطني بتوجعني..

ليـل بخوف: بطنك مالها اطلب الدكتوره..

زهره بخجل: هي بتوجعني عشان جعانه مش اكتر..

ليـل ليل بهدوء:وطالما انتي جعانه مقولتيش لي من بدري يا حبيبتي انتي ناسيه انك حامل ومش انتي بس اللي بتتغذي وابننا بيتعذي منك فلازم اول لما تجوعي تعرفيني مش تستنى لما بطنك توجعك..

زهره بخجل وطيت راسها في الأرض وقالت انا كنت خايفه على قمر عشان كده مش قولت انا اسفه..

ليل بحب: ولا يهمك يا زهرتي بس معدتيش تكرر..

زهره بحب: حاضر..

ليل بإبتسامة: يلا تعالي نروح ناكل في اي مطعم قريب من المستشفى..

زهره: بس ازاي هسيب قمر انا عايزه لما تفوق تشوفني واكلم معاها..

ليل بحب: خلاص يا حبيبتي خليكي وانا هنزل اشتري اكل..

زهره بابتسامه: حاضر وأكملت بهمس بحبك

ليل بحب: وانا بعشقك..

بعد مرور ربع ساعه ليـل جاب الاكل لـ زهره عشان تاكل..

ليـل بحب: كلي براحه يــا زهره كده هتتعبي..

زهره بإبتسامة: حاضر انت مش هتاكل يــا ليل..

ليـل بحب: كلي انتي يــا حبيبتي انـا مش جعان دلوقتي..

زهره بايماء: ماشي يــا حبيبي..

الممرضه بمقاطعه: المريضه فاقت..

زهره بإبتسامة: ينفع ندخل نشوفها..

الممرضه بإبتسامة: ايوه..

وبالفعل دخل الجميع الي غرفه قمر..

علي بإبتسامة: حمدلله علي سلامتك..

قمر بهدوء: الله يسلمك..

زهره كانت واقفه بعيد عن قمر وماسكه ايد ليـل..

ليـل بإبتسامة: حمدلله علي سلامتك يــا انسه قمر..

قمر بإبتسامة: الله يسلمك..

قمر بهدوء:ممكن الكل ينسى اللي حصل لان اللي حصل ده عمري ما هتقبله انا عندي عيلتي وانا مستحيل ادمرها عشان خاطر ناس لسه عارفها من كام ساعه كانت بتقول الكلام ده وهي بتبوص على زهره وأكملت ياريت معتيش حد يفتح في الموضوع ده نهائي ولا كأنه حصل..

على بصدمه :انتي بتقولي اي انتي اتجننتي بقولك مامتك واختك الحقيقين عايشين..

قمر ببرود :لا مش اتجننت يا استاذ علي وانا معنديش غير ام واحده ومعنديش اخوات فياريت تخلي بالك من كلامك..

زهره سمعت كلام قمر ودموعها نزلت وتركت الغرفه وخرجت..

ليـل ببرود: وانتي تنسي ان عندك اخوات يــا انسه قمر وخرج من الغرفه..

علي بغضب: انتي واحده انانيه ومفكرتيش غير في نفسك بس مفكرتيش في اختك ولا ان كلامك ده حرجها ازاي..

قمر ببرود: لو خلصت اتفضل بره..

علي بصلها بغيظ وخرج من الغرفه..

عشاق الروايات ⁦✨📖🖋️

✰ــــــــــــــــــــــــــــ✰

في منزل ادم..

ساره بحزن: اهدي يــا زهره كفايه عيااط هي مش تستاهلك والله وبعدين يــا ستي اعتبريني اختك..

علي بإبتسامة: انتي مش محتاجلها يــا زهره طالما احنا معاكي وبعدين مش انـا اخوكي ولا انتي غيرتي رايك..

زهره بإبتسامة: لا مش غيرت رأيي يــا علي بس انا زعلت من كلامها..

علي بإبتسامة: انسي كلامها انـا غلطت من الاول لاني حاولت اجمع بينكم..

زهره بإبتسامة: لا مغلطتش يــا علي..

ليـل بهدوء: قومي يــا زهره عشان ترتاحي شويه لان بكره الصبح هنمشي..

ساره بحزن: ما تخليكو شويه يــا ليـل انـا حبيت زهره وعاوزها تفضل معايا..

زهرة بإبتسامة: مينفعش يــا ساره لان امي في البيت لوحدها وهي تعبانه مينفعش اسيبها اكتر من كده بس صدقيني هبقا ايجي ازورك وهكلمك كل يوم..

ساره بإبتسامة: طيب يــا حبيبتي..

✰ـــــــــــــــــــــــ✰

في منزل قمر..

بسمه بحب: اتاخرتي كده ليه يــا بسمه..

قمر بإبتسامة: كان في شغل كتير النهرده مش اكتر..

بسمه بحنان: طيب يــا حبيبتي ادخلي غيري هدومك لحد ما اجهز الاكل..

قمر بإبتسامة: حاضر..

علي طاوله الطعاام..

قمر كانت شارده في الاكل ومش بتاكل..

بسمه بإبتسامة: مش بتاكلي ليه يــا حبيبتي الاكل مش عاجبك..

قمر بدون وعي تتخيلي بعد السنين دي كلها ويطلع عندي اخت..

يتبع..

ال 23 و 24 /

بسمه بإبتسامة: مش بتاكلي ليه يــا حبيبتي الاكل مش عاجبك..

قمر بدون وعي تتخيلي بعد السنين دي كلها ويطلع عندي اخت..

بسمه بصدمه وتوتر: انت بتقولي ايـه يــا قمر..

قمر ببرود: اه والله زي مـا بقولك بعد السنين دي عرفت ان عندي اخت وكمان تؤام..

بسمه بتوتر: اكيد انتي فاهمه غلط انتي بنتي انــا ومش ليكي اخوات ولا حاجه..

قمر بزعيق و عصبيه: لا انا مش فاهمه غلط ولا حاجه انـا في الحقيقه طلعت مخد’وعه فيكي..

بسمه بدموع: قمر..

قمر بدموع: ليه عملتي كده ليـه تحرميني من اهلي الحقيقين..

بسمه بدموع: صدقيني مش ذ’ نبي لو مكنتش خدتك كان ممكن هتمو”تي..

قمر بهدوء: ههههههه كفايه بقا كذب و تمثيل لحد هنا..

بسمه بدموع: مش هستفاد حاجه لو كدبت عليكي
غصب عني والله يا حبيبتي يوم ما جبتك البيت ده شوفتك مع رجل وكان رايح ير’ ميكي وكان مبرره ان هو مش قادر يصرف عليكي خدناكي منه وربناكي واعتبرتك بنتي ونور عيني..

قمر وقعت وفضلت تعيط

بسمه نزلت وقعدت جمبها وقالت: حقك عليا يــا حبيبتي سامحيني المفروض كنت اعرفك الحقيقه بس انـا كنت خايفه عليكي لتتعبي..

قمر بإبتسامة: تعرفي يــا بسمتي لو خيروني بينك وبين اهلي الحقيقين هختارك انتي كل مره..

بسمه بحب حضنتها: مش عايزكي تسبيني انتي عارفه اني ماليش غيرك في الدنيا دي..

قمر بإبتسامة: مستحيل اسيبك..

✰ــــــــــــــــــــــــــــــــــ✰

في صباح يوم جديد..♥︎

في منزل ادم..

ساره بإبتسامة: هتوحشيني اوووي يــا زهره..

زهره بحب: وانتي كمان يــا حبيبتي.

وتين بطفوله: هتوحشيني انـا كمان ع فكره..

زهره بإبتسامة: يــا روحي وانتي كمان والله..

ليـل بحب: يلا يــا زهرتي عشان نلحق نوصل قبل ما تليل..

زهره بإبتسامة: حـاضر يــا ليـل..

وهم خارجين من باب البيت..

زهره بإبتسامة لـ ليـل: هو علي مش هيرجع معانا يــا ليـل..

ليـل بإبتسامة: هيرجع يــا حبيبتي بس مش دلوقتى لانه عنده شغل هنا ولازم يخلصه..

زهره بهدوء: مـاشي..

في شركه الشرقاوي جروب..♥

قمر بعصبيه: انتي بتعملي ايه هنـا في مكتبي يــا بتاعه انتي..

مروه بإبتسامة: قصدك كان مكتبك.. دلوقتى هو مكتبي يــا حبيبتي..

قمر بصدمه: انتي بتقولي ايـه يــا حيو”انه انتي..

مروه ببرود: زي مــا سمعتي يــا حبيبتي انت تم نقلك لـ الحسابات بامر من علي بيه واكملت بخبث اصل معتش عاوز يشوف اشكا”لك هنا..

قمر بهدوء: تمام..

مروه بإبتسامة صفره: معلش يــا حبيبتي وانتي خارجه ابقي اقفلي الباب وراكي..

مروه في نفسها: ولسه يــا حبيبتي اذا مخلتيكش تخرجي من الشركه بفيض’حه مينكش اسمي مروه..

قمر خرجت بعصبيه ورزعت الباب..

في مكتب ادم..

ادم بجديه: مكنش ينفع تنقلها الحسابات يــا علي ليه بتدخل حياتك المهنيه مع حياتك الشخصيه..

علي ببرود: مش طا’يقها يــاخي بعد اللي عملته امبارح..

ادم بهدوء: بس ده مالوش دعوه بالشغل..

علي بغضب: وانا مش عايزها تشتغل معايا يــا ادم وبعدين انقلها احسن ما اطردها من الشركه كلها..

ادم ببرود: اهدي يــا علي مفيش داعي لـ زعيقك ده..

علي بحزن: انا اسف يــا ادم بس انا متنرفز من امبارح اتمني مش تزعل منى..

ادم بحب: مستحيل ازعل منك يــا صحبي..