بقلم حورية مصطفى

ليــل بضحك: مش وقت صدمات شوفي مين معايا..

زهره بدموع: ماما..

يتبع..
ال 6 /

ليــل بضحك: مش وقت صدمات شوفي مين اللي معايا..

زهره بدموع: ماما..

سمر بحزن: ليه كده يـــــا زهره.. عاوزه تمو’تي كاف’ره يــــا بنتي..

زهره بدموع: لاني تعبت اوووي يــــا ماما.. تعبت من كل حاجه..

ليــل بحزن: اسف على كل حاجه يـــــا زهره.. كل حاجه هتتغير من النهارده باذن الله..

سمر بحنان: يلا قومي يــــا حبيبتي عشان نرجع بيتنا..

زهره بابتسامة: حاضر يـــــا ماما..

ليــل ببرود: زهره مش هتروح لمكان هترجع معايا علي بيتها.. قصر الشرقاوي..

زهره بدموع: بس انا مش عايزه ارجع معاك..

سمر بحنان: ليــل معاه حق يـــــا حبيبتي انتي دلوقتي مراتو ولازم ترجعي علي بيتك..

زهره بدموع: وانتي يــــا ماما..

سمر بحب: انا هفضل في بيتي وهبقا ايجي ازورك كل فتره وتانيه..

زهره بابتسامة: طيب..

ليــل بابتسامة: ممكن تجهيزها وانا هستني بره..

سمر بحنان: حاضر يـــــا بني..

وفعلا سمر جهزت زهره عشان ترجع قصر الشرقاوي..♥..

✰ـــــــــــــــــــ✰

في قصر الشرقاوي..♡

سعاد بابتسامة: نورتي قصرك يـــــا هانم..

زهره ببراءه: بس انا مش اسمي هانم يـــا داده سعاد..

ليــل بابتسامة: هي بتقولك هانم يـــــا زهرتي.. عشان انتي صاحبه القصر ده..

زهره بابتسامة: وايه يعني.. وبعدين قالت انا اسمي زهره.. قوليلي زهره بس يـــــا داده سعاد..

سعاد باحترام: العين ما تعلاش علي الحاجب يـــــا بنتي..

زهره بابتسامة: عين وحاجب ايه اللي بتتكلمي عليهم يا داده وبعدين انتي بتقوليلي بنتي اهو.. يعني بتعتبرني زي بنتك..

ليــل بمقاطعه: اسمعي كلامها يـــــا داده..

سعاد باحترام: حاضر يـــــا بني..

بعد مرور شهرين..♥

ليــل اتعود علي وجود زهره في حياته وكذلك زهره..

زهره بحب: ليــل انا عاوزه اخرج.. مخرجتش من زمان..

ليــل بحنان: انا مشغول دلوقتى يــــا زهرتي وعندي ثفقه مهمه لازم اشتغل عليها الفتره دي..

زهره بحزن: تمام نبقا نخرج وقت ما تكون فاضي..

ليــل بحب: اتمني متكونيش زعلتي مني..

زهره بابتسامة: لا يــــا ليــل انا هكون انانيه لو قولتلك تعال نخرج وانت وراك شغل…

ليــل بحب: حبيبي اللي بيفهم..

زهره ابتسمت بخجل وقالت هطلع اقعد في الحديقه شويه..

ليــل بعصبيه: نعااام يـــــا روح امك..

زهره بخوف: في ايه..

ليــل بغضب: عايزه تخرجي كده بره..

زهره كانت لابسه بيجامه مبينه تفاصيل جسمها..

زهره بخوف: ما هو مفيش حد بره..

ليــل بعصبيه: والحرس الي بره دول ايه..

زهره بدموع: انا اسفه راح عن بالي والله..

ليــل بهدوء: اطلعي فوق يـــــا زهره.. واحنا باليل هنخرج زي ما انتي عايزه..

زهره بابتسامة: حاضر..

في المساء..♡

في جناح زهره وليـل..

ليــل بابتسامة: يلا اجهزي يـــــا زهرتي..

سعاد بمقاطعه: ليــل بيه علي بيه عاوزك تحت ضروري في غرفه المكتب..

ليــل بهدوء: طيب روحي انتي وانا نازل دلوقتي..

سعاد باحترام: حاضر..

ليــل زهره: ادخلي البسي انتي يــــا زهرتي وانا هنزل اشوف علي..

زهره بحب: حاضر..

بعد نصف ساعه زهره كانت خلصت لبس ونازله تحت.. تنادي علي ليــل ولكن سمعت علي وليـل وهم بيتكلموا..

علي بهدوء: شحنه المخد’رات والاسل’حه وصلت المينا ولازم انت اللي تروح تستلمها يـــــا ليــل..

ليــل بغضب: بس انا كنت خارج مع زهره النهرده..

علي ببرود: اتصرف..

وهم بيتكلموا سمعوا صوت ارتطام بالارض..

ليــل وعلي خرجوا بسرعه يشوفوا في ايه لقوا زهره مر’ميه علي الارض وفاقده الوعي..

يتبع..

ال 7 و 8 /

ليــل وعلي خرجوا بسرعه يشوفوا في ايه لقوا زهره مر’ميه علي الارض وفاقده الوعي..

ليــل بخوف شلها وطالع بيها علي جناحهم..

علي بعصبيه: انت واخدها علي فين ليــل..

ليــل باستغراب: هاخدها علي جناحنا لحد ما تطلب الدكتور يـــــا علي..

علي ببرود: بس انا مش هطلب لحد حاجه يــــا ليــل..

ليــل بعصبيه: انت بتقول ايه يـــــا علي..

علي ببرود: زي مـا سمعت ليــل.. انت المفروض بدل ما تتطلبلها الدكتور نخلص عليها..

ليــل بعصبيه: علييييي..

علي بعصبيه هو الاخر: بلا علي بلا زفت.. مراتك سمعت كل حاجه وهنروح في ستين داهيه..

ليــل بعصبيه: مستحيل زهره تعمل حاجه تاذ’يني هي بتحبني..

علي بضحك: انت مخدوع فيها يا صاحبي.. ازاي لحقت تحبك في شهرين بس..

ليــل ببرود: زي ما انا حبيتها يـــــا علي..

علي بصدمه: انت بتقول ايه ليــل.. احنا في مجال شغلنا مفيش حاجه عندنا اسمها حب انت فاهم..

ليــل بعصبيه: زي ما سمعت يـــــا علي انا حبيبت زهره ومستحيل اذيها زي ما انت اذ’يت خطيبتك لما عرفت..

علي بعصبيه: ليــل انتبه لكلامك انا عملت كده عشان خايف علينا.. مش اكتر..

ليــل بعصبيه: داده سعاد..

سعاد باحترام: نعم يـــــا ليــل بيه..

ليــل بخوف: اطلبي الدكتوره بسرعه..

سعاد بخوف: حاااضر..

علي بحزن وهو ماشي: بكره تندم يــــا صحبي..

بعد وقت وصلت الدكتوره..

الدكتوره بعمليه: ممكن تستني بره يــــا ليــل بيه..

ليــل برفض: لا انا هفضل واقف هنا شوفي شغلك انتي..

الدكتوره بجديه: تمام.. وبدات تكشف علي زهره..

بعد وقت انتهت الدكتوره..

ليــل بخوف: هي كويسه يــــا دكتوره..

الدكتوره بعمليه: انهيار عصبي يـــــا ليــل بيه.. ياريت تهتم فيها.. لان صحتها في النازل..

ليــل بهدوء: تمام.. اتفضلي انت..

الدكتوره اتغاطت من طريقه كلامه وخرجت.. وفي نفسها شخص قليل الذوق..

مر ساعتين ولسه زهره مفقتيش وليل كان خايف من المواجهه..

بعد مرور ربع ساعه اخري..

زهره بتعب: ااه..

ليــل بخوف: زهرتي انتي كويسه.. فيه حاجه بتوجعك..

زهره دموعها كانت نازله علي خدها ومش بترد عليه..

ليــل بحزن: زهره ردي عليا.. بلاش سكوتك ده.. سكوتك ده بيمو’تني..

زهره بدموع قالت: طلقني..

ليــل بصدمه: زهره..

زهره بدموع: انا مش عايزه اعيش مع واحد مجرم ياريت تفهمني..

ليــل بعيون دامعه: انا مخترتيش الطريق ده يـــــا زهره بارداتي.. الظروف اللي حكمت عليا اني امشي فيه..

زهره بدموع وعصبيه: كان بايدك تغير الظروف دي يـــــا ليــل بس انت اخترت الطريق الغلط.. اخترت طريق كله اشواك.. وللاسف انا مش هقدر اكمل معاك فيه..

ليــل بدموع: زهره انا بحبك..

زهره بدموع: معتش ينفع يـــــا ليــل انا مش عايزه اكمل مع مجرم.. حياته كلها قت’ل في قت’ل.. ياريت تطلقني..

ليــل بعصبيه: مفيش طلاق يـــــا زهره.. انتي فاهمه.. وسبها وخرج بعصبيه..

✰ــــــــــــــــــــــــــ✰

في مكان بعيد نسبيا عن قصر الشرقاوي..♡

هو بهدوء: خدي ده حطيه في الاكل والعصير..

هي بخوف: هو ده ايه يــــا بيه..

هو بضحك: س’م عشان نخلص من زهره.. وبعدين قال يتحط في الاكل كل يوم وهي مع الوقت جسمها هيتعب منه ونخلص منها..

هي بخوف: مستحيل اعمل كده يـــــا علي بيه..

علي ضحك بشر: يبقا قولي علي بنتك يا رحمان يــــا رحيم يـــــا سعاد..

سعاد بدموع خدت الس’م من ايده وقالت هعمل كل انت عاوزه بس ابوس ايدك ابعد عن بنتي.. دي بنتي الوحيده يــــا بيه..

علي بضحك: شاطره يـــــا سعاد.. يلا غوري.. واذا حد عرف يبقا حياه بنتك هي المقابل..وسبها ومشي..

سعاد بدموع: حسبي الله ونعم الوكيل فيك يـــــا شيخ.. ربنا ينتقم منك..

مر اسبوع وزهره متجاهله ليــل نهائي وجسمها بدا يتعب بسب الس’م اللي بتاخده..

ليــل بحزن: هتفضلي كده لحد امته يــــا زهره..

زهره ببرود: لحد ما طلقني يــــا ليــل بيه..

ليــل بعصبيه: وانا مستحيل اطلقك يـــــا زهره..

زهره وشها كله عرق بطريقه صعبه..

ليــل بخوف: زهره مالك..

زهره بدموع: جسمي كله بيوجعني يـــــا ليــل..

يتبع..
ال 8 /

ليــل بخوف: زهـره مالك..

زهـره بدموع: جسمي كله بيوجعني يـــــا ليــل..

ليــل بصراخ لـ سعاد: اطلبي الدكتور بسرعه يــــا داده..

سعاد بخوف ودموع: حاضر يـــــا بني..
علي هو داخل من باب القصر.. في ايه يـــــا ليــل ليه بتصرخ كده..

ليــل شال زهره ومردش علي علي
وده غاظ علي..

سعاد لسه هترن علي الدكتور..

علي شد منها الفون وقال بضحك.. خليكي انتي انا هرن علي دكتوره معرفه..

سعاد بخوف: تمام يـــــا بيه..

في جناح ليــل و زهـره..♥

زهـره كانت نايمه علي السرير وكانت بتصرخ من كتر الوجع.. ليــل كان قاعد جمبها علي السرير وحاسس انو عاجز لانه مش قادر يساعدها ويخفف عنها وجعها..

بعد ربع ساعه سعاد طلعت لـ ليل الجناح ودخلت وقالت.

سعاد: ليل يا ابني الدكتوره وصلت بره…

ليل: دخليها بسرعه يا داده…

سعاد بايماء: حاضر يا ابني

سعاد خرجت ونادت لـ الدكتوره..

الدكتوره بعمليه: لو سمحت يــــا ليــل بيه ممكن تخرج بره لحد ما اكشف عليها..

ليــل برفض: لا انا هفضل هنا..

علي بحزن مزيف.. شد ليــل من ايده وقاله تعال نخرج عشان تعرف تشوف شغلها..

وفعلا ليــل وعلي خرجوا برا..

مر الوقت في خوف وتوتر..

بعد نصف ساعه الدكتوره خرجت..

ليــل بخوف: زهـره كويسه يــــا دكتوره..

الدكتوره بعمليه: مفيش داعي للخوف يـــــا ليــل بيه ده برد في العظام وانا كتبت علي شويه ادويه يـــــا ريت تجيبها وان شاءلله هتكون في تحسن..

ليــل بايماء: تمام يا دكتوره..وبعدين قال لو سمحت يــــا علي وصل الدكتوره..

علي بابتسامة: تمام يـــــا ليــل..

✰ــــــــــــــــــــ✰

قدام بوابه قصر الشرقاوي..♡

الدكتوره بعمليه: ايدك علي باقي الفلووس يـــــا بيبي..

علي بضحك طلع مبلغ مالي من جيبه وقال.. خدي يـــــا قلب البيبي..

الدكتوره بجراءه: هستناك في شقتي زي ما اتفقنا هدلعك وابسطك علي الاخر يـــــا بيبي..

علي بضحك: تعيشي وتدلعيني يـــــا نوجه..

نوجه بابتسامة: سلام بقا يـــــا روحي..

علي بابتسامة : سلام..

✰ـــــــــــــــــــــــ✰

عند زهره وليل..♥”

ليــل كان نايم وحاضن زهره جامد من خوفه عليها..💜”

زهره بتعب: ليــل..

ليــل بخوف: فيكي حاجه يـــــا زهرتي..

ليــل بتعب: ممكن تبعد شويه..

زهـره بحزن: ليــل انت كنت بتعيط..

ليــل كانت عيونه حمره من كتر الدموع..

ليــل بابتسامة: من خوفي عليكي يــــا زهرتي.. كنت خايفه لاخسرك..

زهره ابتسمت وقالت: انت بتحبني يـــــا ليــل..

ليــل بابتسامة: بعشقك يـــــا قلب ليــل.. سامحيني يـــــا زهـره صديقني هتغير عشانك انت..

زهـره بابتسامة: مسامحك يـــــا ليل بس انت لازم تتغير عشان نفسك مش عشاني..

وهم بيتكلموا اذان الظهر اذن..

زهره بابتسامة: ممكن تساعدني اقوم اتوضي عشان اصلي..

ليــل بهدوء: بس انتي تعبانه..

زهره بابتسامة: لا انا كويسه ساعدني بقا وبعدين انت معايا اهو

ليــل بهدوء: طيب..

وفعلا ليــل ساعد زهره عشان تتوضي..

زهره بابتسامة: مش هتتوضي وتصلي يـــــا ليل..

ليــل بخجل من نفسه: مبعرفش..

زهره ابتسمت وقالت.. طيب اقف جمبي واعمل زي ما انا بعمل..

وفعلا ليــل بدا يعمل زي ما زهره بتعمل..

زهره كانت فرشت سجاده الصلاه عشان تصلي..

زهره بابتسامة: يلا يــــا ليــل عشان انت هتكون امامي..♥

ليــل بخجل: بس انا مش حافظ ايات قرانيه يـــــا زهـره..

زهره جابت مصحف وقعدت علي الكرسي وقالت تعال اقعد جمبي يــــا ليــل..

ليــل راح قعد جمب زهره.. وزهره بدات تحفظه سور صغيره من القران..

زهره بابتسامة: يلا عشان نصلي..

ليــل بحب: يلا..

وفعلا ليــل صلي بزهره وكان صوته حلو اوووي..

ليــل بابتسامة: حاسس اني ارتحت لما صليت..

زهره بحب: ده الطبيعي.. عشان الصلاه عباره عن تواصل بينك وبين ربنا..

ليــل بحزن: انا عملت ذنبوب في حياتي كتير مكنتش اتوقع لما انا هصلي هرتاح كده..

زهره: محدش مننا مش بيعمل ذنوب واكيد لما يتوب ربنا هيتقبل توبته واكملت بمرح بس انت يمكن ذنبك كبير شويه صغننين ليل انا نفسي معتيش تعمل اي حاجه غلط انا مش عايزه اعيش معاك وانت بتعمل حاجه غلط توعدني انك هتسيب الشغل ده

ليــل بحب: اوعدك يـــــا زهرتي..

مر اليوم بدون احداث تذكر..

في الساعه 3 فجرا..

زهـره بعطش: ليــل اصحي..

ليــل بخوف: مالك يـــــا زهرتي..

زهره بابتسامة: انا كويسه.. انا بس عطشانه ومفيش هنا ميه ومش قادره اقوم..

ليــل بابتسامة: ارتاحي يــــا حبيبتي وانا هنزل اجيب من تحت..

زهره بابتسامة: طيب..

وفعلا ليــل نزل عشان يجيب ميه..
سمع سعاد وهي بتعيط وبتقول.. يارب سامحني علي اللي عملته في زهره.. يــــارب اغفرلي ذنبي.. انا كنت مجبوره اعمل كده..

ليــل بهدوء: كنت مجبوره علي ايه يــــا داده..

سعاد بخوف: ولا حاجه يـــــا ليــل يـــــا بني..

ليــل بعصبيه: انا سمعت كلامك كله مفيش داعي للانكار.. انتي عملتي ايه في زهره..

سعاد بخوف من عصبيته: انا بحط س’م في اكل مدام زهـره من فتره بأمر من علي بيه..

يتبع..

9 و 10 /

سعاد بخوف من عصبيته: انا بحط س’م في اكل مدام زهـره بأمر من علي بيه

ليــل بصدمه: ايه… وانتي يــــا داده ليه تعملي كده..

سعاد بدموع: كنت مجبوره والله يـــــا بني.. غصب عني.. سامحني يـــــا بني…

ليــل بضحك: ابني ههههه ضحكتيني.. في حد يعمل كده في ابنه.. وهو صاحبي وكنت بعتبره اخويا يعمل كده هههههه…

سعاد بخوف ودموع : هو هددني بنتي الوحيده..

ليــل بصراخ وعصبيه: معتش عاوز اشوف وشك في القصر ده.. اول ما الصبح يطلع تاخدي حاجتك وتمشي من هنا.. انتي فاهمه..

سعاد بدموع: فاهمه..

في الصباح..♥

زهره كانت نايمه وصحت ملقتش ليــل جمبها..

زهـره بتعب: ليــل انت فين..

ليــل من وراها: انا هنا يــــا زهرتي..

زهره بخنقه: ليــل انت بتدخن..

ليــل بهدوء: اه..

زهره بغيظ من هدوئه: بس التدخين غلط علي صحتك يـــــا ليــل..

ليــل ببرود: ماليكش دعوه اذا غلط ولا لا.. انتي فاهمه..

زهره بصدمه: لا ليا انا مراتك..

ليل ببرود: مراتي منين يــــا زهره… هو انا لمستك لسه يــــا حبيبتي..

زهره بصدمه ودموع: ليــل انت بتقول ايه..

ليــل بعصبيه: ليل ليييييل… هو اسمي حلو للدرجادي.. اخرسي بقا.. انا زهقت منك ومن قر’فك..

زهره بدموع: قر’في..

ليــل بعصبيه: قولتلك اخرسي.. انتي مبتفهميش..

زهره بدون كلام سبته ودخلت غرفه الملابس وقفلت الباب عليها..

ليــل بعصبيه خرج من الجناح بل من القصر بأكمله..

في المخزن بتاع ليــل..♡

ليــل كان بيضر’ب في عماد بدون رحمه..

عماد بوجع: ارحمني يـــــا بيه.. ابوس ايدك..

ليــل بعصبيه: ليه يعمل فيا كده.. ليه انا كنت بعتبره اخويا..

ليــل لـ حارس: خدوه ارميه قدام اي مستشفي حكومي..

الحارس بايماء: حاضر يـــــا ليــل..

ليــل خرج من المخزن وطلب من السواق انو يوصله عند علي..

في منزل الهراوي..

علي كان نايم وجمبه عاهر’ته «نوجه»..

نوجه بصراخ: عاااا انت بتعمل ايه هنا..

علي بخضه: في ايه يـــــا نوجه..

نوجه شاورت بايدها علي شخص..

علي بصدمه: ليــل انت بتعمل ايه هنا..

ليــل ببرود: ليــل بيه يـــــا وس’خ شكلك نسيت نفسك.. ونسيت اني جبتك من الشارع.. واعتربتك اخويا.. بس طلعت وس’خ وخا’ين..

ليــل كان قاعد علي كرسي وحاطط رجل علي رجل..

نوجه كانت لسه هتمشي..

ليــل بعصبيه: اقفي مكانك.. انتي لسه حاسبك جااي بعدين..

نوجه بخوف وقفت مكانها..

علي بصدمه: انا منكرش ده بس اعتبرتك اخويا..

ليــل بضحك: اخوك ههههه.. وهو في اخ يعمل في اخوه كده..

علي بهدوء: غصب عني انا عملت كده عشان فكرت ان زهره ممكن تاذيك.. كنت خايف عليك..

ليــل بعصبيه: انت عارف ان زهره اضعف من انها ممكن تاذيني..

علي بهدوء: بس انت ضعفت يــــا ليــل من اول ما ظهرت زهـره في حيااتنا وانت اتغيرت.. وشغلنا باظ بسبها فكان لازم اتصرف.. واخلص منها..

ليــل بعصبيه: معتش عاوز اشوفك خلقتك الو’سخه دي تاني..

علي بصدمه: كل ده عشانها..

ليــل بعصبيه: عشان بحبها ومقدرش اعيش من غيرها..

علي بغيظ: انا عملت كل ده عشان مصلحتك مش اكتر.. اتمني تفهمني..

ليــل ببرود: انت من طريق وانا من طريق يـــــا علي.. وانا هسيب المستنقع اللي انا فيه وهبدا علي نضيف.. وسبه ومشي..

✰ـــــــــــــــــــــــ✰

في قصر الشرقاوي.. ♥

ليــل رجع علي القصر.. وفضل ينادي علي زهره..

ليــل بحب: زهرتي انتي فين.. لو ده مقلب منك ياريت تخرجي.. انا اسفه علي كلامي معاكي يـــــا زهرتي..

ليــل طلع الجناح ملقاش زهره..

ليــل بصراخ: زهره..

ليــل لقي رساله من زهره.. انا سبت القصر يـــــا ليــل بيه.. هخلصك من قر’في ومشاكلي.. ياريت مش تدور عليا..

ليــل بدموع: انا اسف يـــــا زهره. بس ارجوكي ارجعي..

يتبع..

ال 10 /

ليــل بدموع: انا اسف يــــا زهره.. بس ارجوكي ارجعي..

زهره بدموع: ليــل..

ليــل بسعاده: زهره انتي رجعتي..

زهره بابتسامة: مقدرتش اسيبك لوحدك.. واكملت بخجل وعشان بحبك ومش بقدر اعيش من غيرك..

ليــل شلها ودار بيها بسعاده.. وقال انا اسف يـــــا زهرتي علي كلامي اللي قولته الصبح..

زهره بابتسامة: عارفه انو كان وقت غضب يـــــا ليــل..

ليــل بحب: بحبك يــــا زهرتي..

زهره بضحك: و زهرتك بتحبك يـــــا ليل..

ليــل بابتسامة خبث: طب ايه..

زهره بدون فهم: ايه..

ليــل بضحك: ولا حاجه يـــــا طفلتي..

زهره بغيظ: انا مش طفله..

ليــل بضحك: لا انا متجوز طفله..

زهره بدموع: يعني انا طفله.. وانتي مش بتحبني..

ليــل بابتسامة: احلي واجمل طفله بحياتي.. وبعدين انا بحبك وممكن اثبت ده..

زهره بابتسامة: ازاي..

ليــل بابتسامة: شلها وقال تعالي وانا اقولك..

زهره بابتسامة: ليــل انا جعانه..

ليــل بحب: اميرتي عايزه تاكل ايه..

زهره بابتسامة حب: بيتزا يــــا اميري..

ليــل بحب: طالباتك امر يـــــا سمو الاميره..

زهره بضحك: شكرا يــــا اميري..

وفعلا ليــل طلب البتزا..

وهم بياكلوا.. ♡

زهره بتسال: امال فين داده سعاد يـــــا ليــل..

ليــل ببرود: طردتها..

زهره بصدمه: ايـــــــه..

ليــل بهدوء: يـــــا ريت معتيش تجيبي سيرتها عن هنا..

زهره بحزن : ليـه يـــــا ليــل..

ليــل بهدوء : من غير ليه يـــــا زهره..

زهره بغيظ: بس انا من حقي اعرف ليه طردتها..

ليــل بعصبيه: زهره قفلي علي الموضوع..

زهره بعصبيه وصراخ: لا مش هقفل يـــــا ليــل انا من حقي اعرف..

ليــل بعصبيه: عايزه تعرفي انها كانت عايزه تمو”تك بأمر من صاحب عمري..

زهره بصدمه ودموع: ايه..