مشكله عضوة
من غير اسم ولا صورة لو سمحت
بنتى فى رابعه جامعه اتخطبت صالونات فى العيد الكبير لواحد دبلوم قالوا حافظ القرأن ومتدين باباها قالى الرسول قال من ترضون دينه مش شهادته وهو من مكان بعيد جدا عننا حصل مواقف كتير مش قادره احدد بخيل هو يوم قرايه الفاتحه جاب تورته من محل كده مش معروف هو شغال فيه ولا لبسها خاتم ولا حاجه بعد ما روح قلها امى كانت عطيانى فلوس فى ظرف ونسيت احطه فى الصنيه وخلاص كده لا حطه ولما جه تانى ولا حاجه ولما جينا نجيب الشبكه طبعا حط مبلغ قليل جدا حدده قبل منروح نجيب الشبكه على طول وقال للبنت مش لباباها قولت لباباها مينفعش دول ميجبوش ٥ او ٦ جرام باباها كلمه قالوا يعنى اقلها ١٠ جرام المهم جاب ٨ وكسر اتصل بباباها قالو ابعتلى العروسة ومامتها وخالتها اجبلهم الشبكه وهو ساكن بعيد جدا عننا احنا فى شرق هو فى غرب قلت نعم العروسه تروح اذاى فى محالات كتير جمبنا باباها قالوا تعالى خدهم المفروض يجب اوبر او واحد صاحبه مثلا قالوا انا حاخدهم فى ميكروباص وننزل فى مكان نركب ميكروباص تانى المهم باباها قالوا انا حاجبهم بالعربية المهم ودونا محل دهب معندوش اشكال وتحسن ان الدهب قديم المهم جاب ٨ جرام وشويه ولا ورانا الفانوره ولا حتى جاب حاجه ساقعه ولا حاجه المهم الخطوبه كانت فى قاعه واحنا دافعين النص واكتر بعد الخطوبه العروسه روحت معانا وهو روح فى ميكروباص ولا اخدها بعد الخطوبه شربها حاجه ولا تانى يوم خرجها ولا عزمها على غدا ولا حاجه وده كان فى العيد الكبير ولا عطاها عديه مثلا ولا فى مولد النبى علبه حلاوة ولاحاجه هو بيجى كل ٣ اسابيع او شهر وكل مره على الغدا يجيب ٣ او ٤ انواع فاكهه من كل نوع حوالى كيلو غير ان هى رديئه جدا يعنى مره كان فى كمثرى عباره عن ٦ كمثرات الواحده اد اللمونه وباباها لما قدمتلوا منها بهدلنى وقلى ايه اللى انتى جيباه ده فكرنى شرياها ولا مره خرجها ولا قالها تعالى نتغدى بره مره عزمناه معانا على البحر باباها شال الموضوع كله عادى احنا اللى عازمينه .واحد صاحب باباهاساكن عند المكان اللى روحناه عرف ان احنا على الشاطى جه جاب شيبسى وحاجه ساقعه وحاجات للاولاد وهو ولا هنا وبعد الغدا بساعه كده راح موشوشها وقلها انا جاعان البحر بيجوع طبعا انا لو مكانه لو حموت من الجوع حتكسف اطلب حتى لو اللى معايا اختى . يقولها روحى القاعه هاتى الفيديو روحى الاستديو هاتى الصور نس عارفه هو خايف يدفع موصلات ولا ايه عيد ميلاده جه جابتله تشيرت وزجاجه برفان وتورته من كلاسيك وروحنا تانى قاعدنا فى كافتريه على البحر وعملنا عيش باللحمه وشيبشى وساقع وعمالنا عيد الميلاد وبرضو مفكرش حتى يخدها على ترابيزة جمبنا يعزمها على حاجه عزمناهم مره على الغدا هما ولا مره عزموا علينا نزورهم مدخلناش بتهم ولا نعرف شكله ايه هو بيوضب شقته فبيكلمها فى التليفون والاسبيكر مفتوح فشـ,ـتم على الصنايعى اللى شغال وقال لفظ وحش جدا جدا مينفعش يتقال قدام بنت فبقولها اى ده لغوشت على الموضوع كل ماتيحى رايحه مشوا تبع الكليه مع زمايلها رايحه مكتبه اسكندريه مثلا عشان ابحاث او كده يعترض ولو اتاخر او مردتش عليه يتصل يشتكى ويقولى حاجى اكسـ,ـر لها دماغها انا بقلق اقوله انا متابعه بنتى وانا مسئوله عنها انت مش حتقلق عليها اكتر منى المهم اتصل اشتكى وقالى بتعلى صوتها عليا وهاجى اخليها تمشى على ودنها مفيش راجل واحده تعلى صوتها عليه وكلام من ده
أنا قلت لباباها الموضوع ده مش حينفع انت تنازلت عن التعليم عشان حافظ القران لاكن ده مش بيعمل بيه وبخيل وقليل ذوق وطـ,ـويل لسان وبنتك مش بتحكى ايه رايكم يا جماعه اقول لبنتى ابوكى طول عمره معززك وتعبان فيكى ومدارس لغات وكليات وبعد كده تتبهدلى حسه ان هما مش زينا تعاملتهم واجتماعايتهم بصراحه مش مرتاحه وخـ,ـايفه على بنتى اوى دى اول فرحتى محتاجه رايكم
والله الموضوع مش ماده خالص يريت تفهمونى صح