لقيت طفل

عزه

اه مهو باين يا حبيبتي انك زعلانه عليه وبعدها بدات اشتغل وبصراحه حسام كان كل شويه بيطمن عليا علشان كان شايف ان نفسيتي

وحشه

وفي يوم راحت عزه عند حماتي

الحما

ازيك يا حبيبتي عامله ايه عاش من شافك

عزه

الحمد لله كويسه والله يا طنط انا شروق فين هي لسه ما رجعتش من بره ولا ايه

الحما

شروق يا حبيبتي من يوم ابنها ما مات وهي سايبه البيت وقاعده في بيت ابوها بتقول بغير جو بعد جوزها مسافر بقى مش عايزه تقعد معايا

عزه

مش عايزه تقعد معاكي برده ولا عايزه اكون على راحتها علشان خاطر وقت ما تروح هي وحسام محدش يقولها حاجه

الحما

ايه الكلام الغريب اللي انتي بتقوليه ده يا بنت انا مش فاهمه منك حاجه

عزه

والله انا بقول لك على اللي بيحصل بعينيا من يوم ما نزلت من الشغل وهي متغيره جدا تصدقي ان هي قلعت الاسود بعد مو*ت ابنها بست شهور بس

الحما

معقول الكلام ده صحيح ناس تخاف مش تختشي

عزه

بالله عليك انت ما تعرفيش انا محتاجه الشغل ده قد ايه وانت لو اتكلمت معاها في حاجه هتروحي وتقول له حسام ويمشيني من الشغل لو سمحت مش عايزاك تتكلمي معاها في حاجه

الحما

متخافيش يا عزه مش هتكلم

وبعدها مشيت وحماتي جت عندي ولاحظت

ان تخنت اوي وقالت

الحما

والله يا حبيبتي اللي يشوفك قبل جوزك ما يسافر يقول انك كنت زعلانه على ابنك قوي انما ايه اللي انت عملتيه في نفسك ده ده انتي تخنتي جدا

شروق

هو في ايه يا حماتي بالظبط مالك جايه عماله تتكلمي معايا كده ليه

الحما

جايه اقول لك يا حبيبتي هترجعي بشقتك تاني يا اما هخلي ابني يرمي عليكي يمين الطلاق هو انا مش واثقه انتي بتعملي ايه وانتي عايشه

لوحدك هنا

شروق

انا مش هسمحلك تكلميني بالطريقه دي تاني انت سامعه ولا لا ولو عايزه ابنك يطلعني خليه يطلقني

الحما

يبقي فعلا الكلام الي سمعتو عليكي صح عاوزه تفضلي قااعده في بيت ابوكي علشان تمشي علي حل شعرك بس انا مش هلبس لابني قروون علشان جنابك

شروق

اي الكلام العبيط ال انتي ده انا لحد هنا مش هسمح ليكي انتي سمعتي

الحما

ماشي يا شروق ما ابقاش انا الا لما خليت مصطفي يطلقك ويتجوز ست ستك

وخليكي قاعده هنا ما ده المكان الي يشبه القرف الي انت كنتي بتعمليه وبتروح ماشيه

وبعد شويه بسمع صوت رعد وبرق والدنيا بتبدا تمطر

شروق

يا خبر هتصرف الزاي دلوقتي البيت قديم قووي واكيد الدنيا هتتبهدل هتصرف الزاي انا دلوقتي

استرها يا رب وفجاءة بسمع صوت طفل عمال يعيط

شروق

هو انا بيتهيالي ولا اي وبفضل اقرب من الصوت لحد ما بقرب من بابت البيت وبلاقي الصوت بيزيد

واول ما بفتح بلاقي الصدمه طفله صغيره قدام البيت والمطره مغرقاها

شروق بصدمه

يا خبر مين الي معندوش قلب راميكي بالشكل ده تعالي يا بنتي وبروح مدخلاها بسرعه

وبروح مقلعاها هدومها وفجاءه بلاقي ورقه واقعه منها ومكتوب فيها

ــــ بالله عليكي تخلي بالك من بنتي انا تعبانه قوووي وممكن في اي وقت اموووت علشان كده مش هلاقي اي حد يخاف ولا بنتي ولا يحبها غيرك وبالله عليكي اعتبريها زي ابنك الي راح وخلي بالك منها

واول ما بقرا كده بفضل اعيط وبفتكر ابني مازن وبروح واخداها في حضني

وبتعدي ايام وانا قافله علي نفسي لحد ما بلاقي الباب بيخبط ولما بروح علشان افتح بلاقيه الاستاذ حسام

حسام

ما انتي كويسه اهو ما بقالي فترة بحاول ان انا اكلمك وانتي مبترديش ومبتيجيش الشغل ليه

انتي كويسه

شروق

الحمد لله بس غريبه يعني لي الي عرفك مكان بيت بابا

حسام

بصراحه من صاحبتك عزه هيه الي قالت ليا ان انا اجي اشوفك

وبالذات ان تلفونك مقفول وكانت عاوزه تيجي معايا بس مامتها تعبانه

شروق

كل الحكايه ان وقبل ما اكمل كلامي بلاقي مصطفي داخل و بيقول

مصطفي

الله الله اي الي انا شايفو دا يبقي ماما كان عندها حق لما قالت ان انتي ماشيه علي حل شعرك

شروق

انت اتجننت يا مصطفي ولا اي ازاي تتكلم معايا بالشكل ده

مصطفي

هو انتي عاوزاني اتكلم معاكي الزاي ان شاء الله لما ادخل الاقي مراتي قاعده هيه وواحد جوه تسمي اي ده ان شاء الله

حسام

انت فاهم الموضوع غلط انا ابقي حسام مدير شروق في الشركه وكل الحكايه انها بقالها كام يوم مجت الشغل والتلفون بتاعها مغلق وصاحبتها قالت ان اروح ليها علشان كل الي في الشغل قلقان عليها

مصطفي بحده

اخرس انت هو في حد قالك ان انت تتكلم وانتي يا ست هانم امشي قدامي

كلامنا في الشقه امشي قدامي

شروق

ماشي يا مصطفي انا هاجي معاك علشان انا مش عاوزه مشاكل

بس استني لما ادخل اجيب حور من جوه وهاجي

مصطفي

ومين البنت دي هيه كمان انا مش فاهم منك اي حاجه

.شروق

واحنا ماشين هقولك علي كل حاجه وبتروح داخله جوه وبجيب البنت وبمشي معاه وبروح قائله ليه علي كل الي حصل

مصطفي

وازاي يحصل كل ده يا ست هانم ومتكلمنيش وتقولي ليا ولا انتي شيفاتي اي قدامك بالظبط

كيس جوافه

شروق

اي الكلام الي انت بتقولو ده والمفروض مين اصلا يسال انا ولا انت

انت الي من ساعت ما مازن ما راح وانت مشيلني ذنب مو*تو مش فاهمه ليه

مصطفي بضيق

قفلي علي الحوار ده انا لما صدقت انساه

وامي لما راحت ليكي مرضيتيش تمشي معاها ليه

شروق

انا بحدد تعبت من أسلوبها وطريقه كلامها انت متعرفش جت ليا ثالث اي كنت عاوزني ارجع معاها الزاي

مصطفي

ماشي يا شروق بس الي اولو شرط اخرو نور مفيش خروج من البيت ولا بيات في مكان طول ما انتي علي ذمتي انتي سمعتي

واول ما بيقول كده بفصل ساكته وبعد شويه بنوصل البيت الي بنلاقي حماتي واقفه مستنيانا

الحما بحده

هو دا الكلام الي انا قولتو ليك ان انت تروح ترمي عليها اليمين وتيجي في الاخر جاييها وجاي ليا

مصطفي

خلاص بقا يا ماما مينفعش برضو ان احنا نجي عليها وبالذات انتي عارفه ان شروق ملهاش. غيري

الحما

شكلها الحلوه عرفت تضحك عليك كويس بس اي ده يا معدوله الي شيلاه علي ايدك ده ان شاء الله

مصطفي

دي بنت شروق للاقتها قدام بيتها قررنا ان احنا نربيها سوا

الحما

ما انا طول عمري بقول عليك اهبل هيه مين العبيطه الي ممكن ترمي ضناها كده

شروق

قصدك اي بالكلام ده يا حماتي ان شاء الله هو انا هكذب ولا هكذب

الحما

ايوه بتكذبي يا حبيبتي ما قالو للحرامي احلف قال ان جالو الفرج العيل ده ابنك انتي مخلفاه واخترعتي القصه دي علشان ابني العبيط يصدقك

البنت دي بنتك انتي

مصطفي

اهدي بس يا ماما وكلام اي الي انتي بتقوليه ده

الحما

اخرس خالص انا مش عاوزه اسمع صوتك ما انت لو كنت ناصح مكنش خالت عليك الحكايه الي نص مسلسلات مصر مثلتها

انتي متعرفيش يا شروق انا هعملك اي ان ما فضحتك ما ابقاش سنيه

شروق بحده

هو انتي مفكره ان ممكن اخليكي تقولي ولا تعملي حاجه زي دي انا مستحيل اخون جوزي ولو حتي في تفكيري

الحما

يا شيخه قولي كلام غير ده دا انا حتي لما جيت ليكي لقيتك متغيره هو انتي مفكره حاجه زي دي هتخيل عليا برضو وانا متاكده ان العيله دي بنتك انتي

مصطفي

معقول الكلام ده يا شروق انا مش مق ان انتي ممكن تعملي حاجة زي دي معقول انا كنت مخدوع فيكي بالشكل ده

شروق

تمام يا مصطفي هو انت مش مصدق كلام مامتك الي هيه بتقولو ده

يبقي بيني وبينك التحليل الي هياكد ان العيله دي مش بنتي واول ما ده يحصل انسي ان ممكن ارجع ليك ودي اخر حاجه بنا

الحما

في ستين داهيه يا ختي والمركب الي تودي انا اصلا مش طايقاكي ولا طايقه شكلك امشي قدامي انا رجلي علي رجلك ومش هسكت الا لما اتاكد ان كلامي صح

وفعلا بتاخدنا وبنمشي وانا برجع بيت بابا تاني

وبروح داخله اوضه بابا وبفتح الدولاب وبطلع البوم الصور

وساعتها بلاحظ صوره غريبه واحده شايله طفله وواقفه جنب خالتي

شروق

اي ده مين البنت دي انا اول مره اشوفها لما اروح لخالتي اخد الصوره وافهم منها مين دي

بس اول حاجه اخلص من مصطفي وامو

وبيعدي يومين وفعلا بيخرج التحليل وبروح انا ومصطفي وحماتي

الحما

طمني يا دكتور وقول ان البنت بنتها انا متاكده انها بنتها وقلبي مستحيل يكذبني

الدكتور

التحليل فعلا ايجابي

الحما

ها اي قولك يا ست هانم ما تتكلمي ولا القطه كلت لسانك

الدكتور

اهدي يا حاجه انا مش خلصت كلامي التحليل فعلا طلع ايجابي بس نس هيه الام

في صله قرابه جامده بينها وبين ام البنت او ابوها

الحما

يعني اي كلامك ده انا مس فاهمه منك اي حاجه

الدكتور

المدام الي عملت التحليل لاما هيه خاله لا عمه البنت اما مس هيه الام نسبه التحليل طالعه85ف الميه

شروق

انت متاكد من الكلام ده بس انا متاكده ان انا معنديش اخوات ابويا مخلفش حد غيري

الدكتور

لا طبعا مفيش الكلام ده نسبه التحليل بتقول غير كده خالص نمكن يكون ليكي اخ ولا اخت من الاب وباباكي عليهم

مصطفي

شكرا لحضرتك تعبناك معانا وبيروح واخدني وبيمشي وانا طول الوقت مصدومه مش مستوعبه الي حصل

وبعد شويه بنوصل

الحما

انا برضو الموضوع ده انا مش مصدقاه وحاسه ان البنت دي بتعمل حاجه غلط

شروق بحده

بقولك اي يا حماتي فكري زي ما انتي عاوزه وقولي الي تقوليه

وانت يا مصطفي ورقه طلاقي توصل ليا

مصطفي

اهدي يا شروق انا مش عاوزك تزعلي من كلام ماما كل الحكايه انها ام وخايفه علي ابنها ومش حابه حد يخدعو

شروق

بس متوصلش للشرف وهيه كلمه ورد غطاها هتطلقني يعني هطلقني ولو ده محصلش بالذوق يبقي المحاكم هيه الي هتعرف تطلقني بمعرفتها

الحما

مالك يا ختي متقنعره كده ليه وشايفه نفسك علي ابني ليه الي يشوفك كده يقول الي خلقك مخلقش غيرك انا اصلا بتنزليش من زوري

والمركب الي تودي

مصطفي

بس بقا يا ماما بلاش كلامك ده وانتي يا شروق اهدي الموضوع ميوصلش لطلاق

شروق

انت شايف كده برضو مين الي قالك بعد الي حصل انا ممكن افضل علي ذمتك

ولو مش حابب يبقي ليك لقب مخلوع يبقي طلقني بالحسني وبروح سايباهم وبروح عند خالتي

الخاله

شروق تعالي يا قلبي انتي متعرفيش انتي واحشاني اد اي

اي ده هو انتي خلفتي بعد م*وت مازن ولا اي

سبحان الله ياخد من هنا ويوصل من هنا

شروق

لا مفيش الكلام ده انا جايه ليكي مخصوص علشان موضوع البنت ده

وبروح قايله ليها كل حاجه وعن التحليل وكلام الدكتور

واول ما بقول كده بلاقيها اتوتر

الخاله

ها حسن ابوكي مخلفش حد غيرك يا بنتي

شروق

بس وشك بيقول كلام غير ده يا خالتي وبروح مطلعه صوره وطالما كلامك زي ما بتقولي مين الي معاكي في الصوره دي والبنت الي هيه شايلاها دي تبقي مين

الخاله

الكدب يا بنتي ملهوش رجلين انا هقولك علي كل حاجه البنت دي شكلها بنت اختك ساره

شروق

ساره مين واخت مين انا اول مره اسمع الاسم ده انا مش فاهمه حاجه

الخاله

اهدي وانا هقولك علي كل حاجه بس انا خبيت عليكي الموضوع ده علشان خاطر ابوكي حلفني ان مش هقولك حاجه عن الي اختك عملتو

وبدات تفتكر الي حصل زمان لما ماما كانت بتولدني

#فلاس باك

الخاله

انا مش فاهمه يا حسن انت طاوعت ماجده في موضوع الحمل دا ليه انت مش شايف انها كبرت علي الحوار ده وغير كده كمان دي مريضه قلب كان كفايه عليكم ساره وخلاص

حسن

هو انا كان بمزاحي اختك مقالتش ليا انا حامل الا لما بطنها بان علشان عارفه كوبس اول ما هعرف حاجه زي دي انا هغصبها تنزل الحمل

انا كل الي انا عاوزو انها تقوم هيه بالسلامه

الخاله

يارب يارب ادعيليها وبعد شويه بيخرج الدكتور

حسن

طمني بالله عليك وقول ان فاطمه كوبسه

الدكتور

للاسف البقيه في حياتك بس البنت كويسه الممرضه هتيجي وتسلمهالكم

وبيروح ماشي

حسن

لا لا فاطمه كويس اكيد مفيهاش حاجه

ساره

اهدي يا يابا بالله عليك ماما اكيد في مكان احسن من كده

وبعد شويه بتخرج الممرضه بيا

الخاله

تعالي يا بنتي تعالي يا حسن شوف بنتك فوله واتقسمت من فاطمه

خسن

ابعديها عني هيه السبب ان فاطمه تروح

الخاله

خدي يا ساره اختك وروحي البيت لحد ما نخلص اجراءات الدفنه انتي دلوقتي امها يا بنتي

ساره

حاضر يا خالتي الي تامري بيه وبتروح واخدها وبتمشي

ولسه جايه تدخل بتلاقي علي الي هيه بتحبو واقف مستنيها

علي

اي يا بنتي انا بقالي فتره مستنيكي

ساره

بالله عليك يا علي امشي دلوقتي انا الي فيا مكفيني مش قادره اتكلم

علي

في اي اهدي بس ومالك عامله كده ليه

ساره بدموع

ماما راحت مش مصدقه ان خلاص معنتش هشوفها

علي

اهدي بس وتعالي جوه مش ينفع وقفتنا دي

وبيروح واخدها وقافل الباب وبعد شويه بيقوم من جنبها

ساره

يا مصيبتي غي الي انا هببتو دا دا لو ابويا عرف بحاجه زي ممكن يم*وتني فيها

علي

اهدي بس الي حصل بنا غصب عني انا وانتي ومتقلقيش انا مش هسيبك

وافاتح ابوكي في موضوعنا تاني واكيد هيوافق

ساره

انا عارفه بابا كويس طالما قال لا مره مش ويوافق انا مش فاهمه انا هتصرف الزاي انا دلوقتي

علي

بقولك اي اهدي انا لازم امشي دلوقتي لا ابوكي يطب فجاءه ولو لقاني هيعمل مشكله