رساله تحت الطلب

السلام عليكم ورحمه الله وبركاته

منه لله اللي خلاني ست سيئه السمعه وكل ده بسبب خطيب مش عارف يعني ايه كلمه راجل يبقى على قد كلمته

وقبل ما ابدأ حكايتي ارجو تكملوها للنهاية على صفحة ازواج لكن سعداء عشان تحكموا وكل بنت تتعظ من حكايتي
انا ذي اي بنت اتخرجت وكنت بحلم اتخطب واعيش الحياة اللي معشتهاش وانا في الجامعه

اني احب واتحب واعمل بيت واكون اسرة بس اللي حصلي حطم كل ده

اتقدملي واحد قريبي بس من طرف مرات خالي واقعدوا يوصفوا فيه وفي ادبه واخلاقه وشياكته وانه ابن ناس تعليم عالي شبهي

ولما جه واتقابلنا قولت انهم مكدبوش الوصف فعلا كان حقيقي حصل القبول وتم الاتفاق وجاب شبكه ذي ما طلبت بااظبط

شغال في مركز مرموق حاجه كده عالي على صغر سنه بس عشان الدنيا عندنا مكنتش حلوة اخر حاجه فاحنا طلبنا مهله سنه ونص اهو نتعرف عليه وكمان اكون جهزت انا طلباتي عنده شقه حلوة وفي مكان معقول بس شغله كان بيتطلب منه انه يسافر كتير بس مش مستقر في بلد معينه لا بيسافر اسبوعين تلاته ويقعد قصادها شهرين تلاته عشان متقولوش استقر معاه في الخارج وكده

المهم طوال الخطوبة هو بيعاملني شيك اوووي وبادب فإنا حبيته حددنا معاد الجواز والفندق اللي عملنا فيه واتجوزنا وتمام التمام

لغايه ما في يوم جاتله رساله على الفون بفتحنا مفهمتش منها حاجه لانها بلغة اجنبية سكت ومعلقتش بس كان قلبي مضايق لاني مش فهماها هي من راجل بيشتغل معاه ذي ما هو فهمني بس لما اخدت الرساله كوبي وترجمتها اكتشفت ان جوزي الوان او ذي ما هو معروف من مجتمع الميم

وطبعا هو هنا محدش ولا مخلوق يعرف عنه ده والاغرب انه ولا مره لمحلي بطلب ذي كده اتاريه هو بيسافر يقضي شغل ووقت مع الراجل اللي بعتله الرساله وطبعا وهو بره بيعمل الحاجات دي براحته

انا مش عارفه افكر ولا اتصرف ومعييش دليل غير الرساله اللي سهل يحذفها عشان اعرف اهله واهلي ده غير انه موفرلي كل سبل الراحه اللي اي بنت تطلبها بس انا عارفه انه مينفعش اكمل معاه بس قولولي اعمل ايه ولما واجهته قالي بالحرف الواحد انا حسوء سمعتك واطلع عليكي انك ست سيئة وانك تعرفي رجاله وانا مسافر لانه وببساطه مفيش مخلوق يعرف انه كده شا ذ لانه بيمارس ده في الخارج لما بيسافر قولتله طب اتجوزتني ليه قالي اهلي وزنهم عليهم اتجوز اتجوز فاتجوزت

طب ما تبطل اللي بتعمله قالي مقدرش انفصل عن صديقي ده لانه ممكن يحبسني معاه حاجات بتديني

انا مش عارفه اعمل ايه الموضوع حساس وعرضه على صفحتك ازواج لكن سعداء حيبقى صعب بس انا مش عارفه احكي مع حد ولا اي مخلوق ارجو توجدولي حل يرضي جميع الاطراف او تقولولي على سبب انفصل بيه عنه واسفه على الاطاله