انا وأمي وزوجة اخي
بقلم عادل عبد الله
انا في مشكلة كبيرة جدا وقدامي ساعات قليلة ولازم اقرر اعمل ايه
انا بين خيارين كلاهما مر
كلمة مني ممكن تطلع أمي كد,ابة وبكلمة مني ممكن اخرب بيت اخويا ومراته وولاده يضيعوا
انا اسمي سلمي عندي واحد وعشرين سنة عايشة مع ماما وبابا واخويا الكبير ومراته اللي عايشين معنا في نفس البيت
الحكاية
بدأت لما اخويا الكبير اتجوز البنت اللي بيحبها وامي كانت رافضة الجوازة دي لأنها عايزة تجوزه بنت خالتي
لكن اخويا صمم يتجوز البنت اللي بيحبها وفعلا اتجوزها وعاشوا معنا في نفس البيت في الشقة اللي فوقنا
من يوم ما اتجوزها وامي مش متحملة وجودها في البيت لكن اخويا شخصيته قوية وقدر يوازن بين الاتنين وحياته مشيت كويس
مرات اخويا
عايشة وسطنا دلوقتي من اربع سنين وبصراحة مفيش حد شاف منها حاجة وحشة لحد من يومين لما حصلت حاجة قلبت البيت كله رأسا علي عقب
بابا الحمد لله ميسور الحال وبيحب اعمال الخير وكل فترة بيعمل اكل كتير في البيت عندنا وبيجيب الناس الفقراء والمحتاجين ياكلوا من خير ربنا
من يومين كنا بنعمل الاكل وبنجهزه للناس اللي علشان ييجوا ياكلوا بعد
صلاة العصر عندنا
وكنا احنا التلاتة بس في شقتنا انا وماما ومرات اخويا وكل واحدة فينا بتعمل حاجة علشان نلحق نخلص الاكل بسرعة
وباب اوضة ماما كان مقفول طول الوقت
خلصنا الاكل قبل العصر بنص ساعة ومرات اخويا طلعت ترتاح علي ما ييجي الضيوف وبعد طلوعها بخمس دقايق ماما دخلت اوضته,ا وصړخت بصوت عالي وقالت ان سلسلتها الدهب اتسر,قت
انا متأكدة ان مفيش حد دخل اوضة ماما لأن باب الاوضة كان قدامي طول الوقت
ومتأكدة كمان ان ماما عملت الحركة دي علشان تقوم اخويا علي مراته ويط,لقها
وبسبب صړاخ ماما نزلت مرات اخويا بسرعة واتج,مع الجيران وامي اته,متها قدام كل اللي واقفين انها س,ړقت سلس,تها الدهب من الدولاب
مرات اخويا دافعت عن نفسها ورفضت اتهام امي لها قدام كل الناس
الشهادة
لله مرات اخويا كانت جنبي طول الوقت مش بعدت عني ثانية واحدة
وبعد اقل من ساعة كانت مرات اخويا اخدت ولادها وراحت عند اهلها ومص,ممة علي الطلاق
ام مرات اخويا لما عرفت من بنتها اتصلت علي اخويا فيش,غله وقالتله علي اللي حصل و طلبت منه يطلق مراته
اخويا رجع البيت واول لما ماما شافته بكت وقالتله ان مراته سر,قتها ودخلت اخدت السل,سلة الدهب من الدولاب
اخويا
عارف مراته كويس وعارف انها مستحيل تعمل كده
اخويا راح يصالح مراته لكن هي و اهلها اشترطوا ان ماما تعتذر وتتأ’سف لها قدام الناس كلهم علشان تبرأها
دلوقتي الموضوع كبر وامي عايزاني اشهد اني شوفت مرات اخويا بتدخل الاوضة وفي نفس الوقت مرات اخويا بتستشهد بيا اني كنت معها وجنبها طول الوقت لحد لما طلعت شقتها
وانا مش عارفة اعمل ايه
ارضي امي
واشهد زي ما هي عايزة و بكده بيت اخويا هيتخرب
ولا اشهد بالحقيقة واطلع امي كدابة قدام الكل وطبعا بعدها هكون خسړت امي للابد لأنها مستحيل هتسامحني
عارفة ان كلكم هتقولولي اشهدي بالحقيقية
لكن انتوا عارفين يعني ايه امي تطلع كد,ابة قدام الناس كلها
وموقفي معها هيبقي ايه بعد
كده واعيش معها ازاي في بيت واحد
ياريت المتابعين ينصحوني اعمل
ايه