رواية ند.م لاينتهى زهرة

بدوى : راح قفل السوسته بتاعت الشنطه وبص لها وعمل نفسه صدق وقالها خلاص ياحبيتى اللى تشوفيه بس ريحى وقرب منها وبقه ينايمها على السـ,,ـرير ورفع رجلها وغطها وقالها اصبرى اعملك حاجه تشربيها علشان الواد تلاقيه عطشان من الخضه وابتسم
زهره : هزت دماغها بالموافقه وهى حاسه انها قدرت تضحك عليه
بدوى : دخل المطبخ وفتح التلاجه وطلع علبه اللبن ومد ايده فى جيبه هو بيلتفت حواليه يشوف هى شايفه ولا لا وحط نقطتين من الازازه على كوبايه اللبن وخدها ودخل على الاو..ضه وقالها قومى اشربى ديه
زهره : قالتله لا لا مش عايزه
بدوى : مافيش لا اشربى علشان الواد يتغذى
زهره : بدات تشرب لحد لما خلصت الكوبايه
بدوى : متابع الكوبايه بعينه وهى بتشرب وقالها ايوه كده ارتاحى بقه
زهره بعد ماخلصت اغمى عليها وهو راح منزل الشنط فى العربيه وطلع شالها وحطها جوه العربيه وخدها وطلع وكل مايحس ان مفعول المنوم بدا يروح يرش من الاسبرى اللى معاه عليها علشان ماتصحش قبل مايوصل لحد لما وصل الاسكندريه وطلع بيت فى مكان بعيد عن الناس فى منطقه مهجوره كده وشالها ودخلها ودخل الشنط
بعد ساعتين
زهره بدات تفوق واحده واحده وتبص حواليها لاقيت نفسها على السـ,,ـرير وصنيه اكل جنبها فيها رز وحته فرخه وكوبايه لبن حاولت ترفع راسها من على المخده حسيت ان راسها تقيله ومش قادره نامت تانى وعينها عامله تلف فى الاو..ضه علشان تعرف هى فين وايه اللى جابها هنا وبدات تنده على بدوى
بدوى : فتح الباب ودخل وقالها حمد لله على سلامتك بمنتهى البرود
زهره : انا فين وجيت هنا ازاى
بدوى : انتى فى بيتنا الجديد واللى جابك هنا انا اكيد ياحبيتى يلا كلى علشان الواد
زهره : بتعلى صوتها من خوفها واد ايه وزفت ايه انت ازاى تعمل كده انت خدرتنى
بدوى : بمنتهى البرود لا لا ماتقوليش كده انا قولت اريحك من الطريق علشان ماتحسيش بيه واعملهلك مفاجاه
زهره : مفاجاه ايه وانت ازاى تجبنى بالطريقه ديه وقامت قعدت
بدوى : مد ايده على صنيه الاكل ومسك كوبايه اللبن وقالها اتفضلى كلى علشان ماكلتيش حاجه بقالك كتير واكيد الواد جعان وانا مش عايز ابنى يجوع
زهره : زقت الكوبايه منه وقعت فى الارض اتكسرت وقالتله انا عايزه ارجع دلوقتى حالا رجعنى
بدوى : ضحك بسخريه وقالها ترجعى ! ترجعى فين خلينا قعدين هنا مع بعض كام يوم هتتبسطى معايا اوى وابتسم ابتسامه استفزازيه
زهره : بدات تقوم من على السـ,,ـرير وقالتله لا انا ماشيه هروح مش عايزه اقعد هنا
بدوى : مسك دراعها جامد وعلى صوته انتى رايحه فين مافيش خروج من هنا لحد لما تولدى اوعى تفتكرى انى عبيط انا اختى لما اتصلت بيا جريت الحقها قبل ماتوصلك وتجيلى البيت وتقابلك وبس شوفتها وهى نازله من عندك وعلشان كده روحت اشتريت المنوم ورجعتلك تانى وانتى فاكره نفسك ذكيه وهتقدرى تضحكى عليا
زهره : بان عليها الخوف وقالتله يعنى كنت بتضحك عليا طب ليه
بدوى : ساب دراعها وقالها طب مانتى كنتى بتضحكى عليا وفاكره نفسك اذكى منى وضحك ضحكه سخريه
زهره : انت ليه اتجوزتنى ليه بتعمل فيا كده ذنبى ايه وذنب اللى اتجوزتهم ايه حرام عليك حرام عليك وبدات تعيط بصوت عالى
بدوى : بيقرب من زهره وبيعلى صوته كلكم كلاب عايزين المو..ت ولولا اللى فى بطنك كان زمانى دفنتك من بدرى
زهره : هى رجعت ورا وخايفه اوى منه وقالتله ليه عملتلك ايه انا ماعملتش فيك حاجه وحشه
بدوى : مافيش ست مابتعملش حاجه وحشه كلكم عايزين الدبح مانتى مو..تى عمر علشان حبك ولعبتى بقلب جاسر علشان حبك اوعى تفتكرى نفسك ملاك كلنا شياطين واللى يكسب فى الاخر
زهره : لزقت فى الحيطه حرام عليك والله حرام عليك انا ماعملتش حاجه انا عايزه امشي من هنا وقعدت تعيط والله هصرخ وهفضحك
بدوى : ضحك وقالها صرخى من هنا للسنه الجايه محدش هيسمعك ويحس بيك احنا فى حته مقطوعه ودفنت قبلك هنا ناس كتير ومحدش حس بحاجه هههههههههه
زهره : صرخت وقالتله حرام عليك بتعمل فيا كده ليه
بدوى : اسمعى الكلام وكلى عقبال ماجيبلك كوبايه لبن تانيه ونضفى اللى عمليته ده بسرعه
زهره : مش هاكل الا لما اخرج من هنا لو عايز ابنك يعيش
بدوى : كده كده غصبا عنك ابنى هعيش ولو جراله حاجه هدفنك معاه دانا مستحملك كل ده علشانه
زهره : بتخبط بايدها فى بطنها انا مش عايزه عيال منك
بدوى : لوى ايدها وبدأ يزعق انتى هتقعدى هنا زى الكلبه لحد ماتجيب العيل ساعتها بس ممكن اسيبك تعيشي وتخرجى من هنا اما لو مجاش هخليكى تتمنى المو..ت مليون مره ومش هدوقيه انا هروح اجيب الاكل وراجعلك وفكرى فى كلامى كويس
زهره : قعدت مكانها فى الارض وقعدت تعيط ومش عارفه تعمل ايه
طلع بدوى حطلها الاكل وسبها وقالها ماتحاوليش تخرجى من هنا لانك مش هتعرفى اصل انا حولت البيت ده لسجن حصين كل واحده اجيبها هنا وتحاول تهرب من مخرج كنت بسده وانا جبت ستات غيرك كتير محدش قدر يهرب انا خارج وهرجعلك تانى خلى بالك من الواد وضحك
ياترا زهره هتعمل ايه وهتعرف تهرب ولا لا ده اللى هنشوف فى الجزء السابع والاخير ان شاء اللهstar زهره : قعدت مكانها فى الارض وقعدت تعيط ومش عارفه تعمل ايه
طلع بدوى حطلها الاكل وسبها وقالها ماتحاوليش تخرجى من هنا لانك مش هتعرفى اصل انا حولت البيت ده لسجن حصين كل واحده اجيبها هنا وتحاول تهرب من مخرج كنت بسده وانا جبت ستات غيرك كتير محدش قدر يهرب انا خارج وهرجعلك تانى خلى بالك من الواد وضحك وخرج وخد باب الاو..ضه فى ايده
زهره : كانت بص له وهو بيتكلم والدموع فى عينها واول ماخرج تفت مطرح ما كان واقف وقالتله ربنا ياخدك ربنا ياخدك غور وقعدت تعيط اكتر وخبت راسها بين ايدها ال2 لحد لما تعبت من العيط ونامت على الارض
بعد ١١ ساعه
بدوي : رجع تانى وفتح الباب لاقها نايمه على الارض وشعرها مغطى وشها خاف لاحسن يكون مغمى عليها او حصلها حاجه ويتأذى ابنه خبط بجزمته رجلها ونده عليها انتى انتى زهره يااااازهره
زهره : بدات تفتح عينها و بتحط ايدها تسند دماغها لانها كانت حاسه ان دماغها تقيله من كتر النوم والعياط والتعب وقالتله وهى خايفه نعم نعم
بدوي : ماكلتيش ليه ياهانم الاكل زى ماهو والواد محتاج غذا اتنيلى اطفحى بالذوق بدل ما اكلك بطريقتى انتى لسه ماشوفتيش الوش تانى انا لحد دلوقتى طيب معاكى لولا الواد اللى بطنك ده كنتى شوفتى العأ,,أذاب الوان
زهره : وهى بتعيط ليييه ليه حرام عليك ليه بتعمل فيا كده
بدوى : انتى تستاهلى اكتر من كده ومد ايده وجاب صنيه الاكل وهبدها على الارض جنبها لدرجه ان ورك الفرخه اتنطر من الطبق للصينه وقالها اطفحى هاخرج واجى الاقيكى واكله وراح ناحيه باب الاو.ضه وخرج
زهره : قعدت تعيط جاااامد وكانت ميته من الجوع ودايخه مدت ايدها وبدات تاكل والدموع نازله من عينها ومش شايفه كويس وبقيت تاكل وتوقع الاكل فى الارض لانها كانت جعانه جدا ومن تعبها ماقدرتش تقوم من مكانها خلصت اكل ونامت جنب الاكل فى الارض وجنبها الرز مرمى فى الارض
فى صباح اليوم التالى
دخل بدوى عليها الاو.ضه وقالها ايه القرف اللى عملاه ده ونايمه كده ليه ماتتخمدى فوق
زهره : اتفظعت من النوم وبدات تهز راسها كتير وبحركه سريعه ( علامه الموافقه ) حاضر حاضر وبدات تلم بسرعه الوساخه اللى فى الارض
بدوى : انا ورايا شغل وشويه حاجات كده فى القاهره وهسافر وهقعد كام يوم هناك وكل حاجه عندك هنا والاكل هتلاقيه تحت فى التلاجه وهسيبلك باب الاو.ضه مفتوح وماتتعبيش نفسك اصلك مش هتعرفى تهربى زى ماقولتلك قبل كده وابتسم ابتسامه سخريه وقالها عايز ارجع الاقي كل حاجه تمام والواد كويس فاهمه ؟
زهره : ماردتش عليه وباصله وبس
بدوى : علي صوته اكتر بقولك فااااهمه ولا لا ؟
زهره : هزت راسها اكتر من مره حاضر حاضر
بدوى خرج وسابها وساب الباب مفتوح
زهره : بطلت لم الحاجه وبقت مركزه مع خطوات رجله علشان تتاكد انه نزل وخرج لحد لما سمعت هبدت الباب اللى تحت قامت تجرى تدور على باب او اى مخرج تخرج منه من الجحيم ده لان من جواها رافضه تستسلم و تفضل الشهرين دول فى الجحيم ده وبعدين مش ضامنه لما تولد