خديها من علي لساني والله
البت دي وراها حاجه بس اي هي
انا مش عارفه وبعدها روحت
انا ونعمة والدكتور قالي
الدكتور
انتي معندكيش اي مشاكل للحمل يامدام هيام وانا هكتب لك على برشام هتاخديه عشان ينشط المبايض وانتي بتقولي أن جوزك راجع من السفر يعني ان شاء الله هتبقا فرصة كويسة للحمل
نعمة
احنا متشكرين اوي لحضرتك يادكتور ربنا يكرمك يارب بالاذن احنا بقا
ومشينا
من عند الدكتور وانا قولت لنعمة
هيام
تفتكري يانعمة انا هحمل المره دي لما عماد يرجع الاجازة دي
نعمة
ان شاء الله ياحبيبتي انا متفائله خير وبعدين ماهو الدكتور اداكي العلاج اهو انتي عايزة ايه بقا ده دكتور كبير ياحبيبتي وشاطر اوي مشاء الله عليه
وبعدها عماد رجع من السفر وانا مقولتش على اني رحت للدكتور وتاني يوم من رجوعه نزل عند امه وقالت له
الحما
حبيب امك انت وحشتني اوي ياضانيا البيت كان مضلم من غيرك والله ياعماد
عماد
تسلمي يا أمي ربنا يخليكي لينا ياغالية
الام
انا بقا نفسي افرح بعيالك كده واشيلهم على ايدي
عماد
ان شاء الله ياما وبعدين دي حاجة بتاعت ربنا وكله باوان يعني ياست الكل اطمن ان شاء الله خير
الام
ياحبيبي انا عارفه ان كل حاجة بايد ربنا وكل حاجة بس شد حيلك انت بس وربنا يسهل المهم قولي انت اجازة ااد ايه ياضانيا
عماد
الاجازة المره شهرين ياما قاعدهم
معاكي
الام
طيب ياحبيبي ده حلو اوي المده دي فرصة بقا انت وهيام
تظبطو نفسكم وتخليها حامل
وانا نزلت ورا
الحما
ادخلي علي المطبخ يلا شوفي اللي وراكي
عايزين نخلص المطبخ بدري بدري
لأن مش عايزكي تكوني موجوده هنا
كتير
وفي الوقت ده نزلت شرين سلفتي وهي شايله ابنها وقالت
شرين
منور ياعماد البيت نور بيك شوفت مصطفى ابن سمير اخوك روح لعمو يامصطفى
عماد
اهلا حبيب عمو تعالي ياحبيبي اومال سمير فين ياشرين مش شايفه يعني النهاردة خالص
شرين
كان عنده شغل طول النهار وقال هيرجع بالليل صحيح شكرا على الحاجات الحلوه اللي جبتها لمصطفى ياعماد والله زوقك جميل خالص لا واللبس مظبوط عليه اوي تقولش كنت عارف مقاسه
عماد
شكرا على ايه بس ياشرين ده مصطفى ابن اخويا بعتبرة ابني بالظبط بس الحمد لله ان الهدوم طلعت مقاسه انا كنت خاېف والله تطلع صغيره ولا كبيره
شرين
لا طلعت مظبوطة ياعماد تسلم ايدك
الام
عقبال ياحبيبي ماتجيب لابنك ان شاء الله عن قريب ياااارب
وخرجت
من المطبخ في الوقت ده وحماتي قالت لي
الحما
شوفتي ياهيام شوفتي عماد متعلق بابن اخوه ازاى وبيحبه ازاى عقبال كده ماتجيبي له العيل اللي يفرحة
هيام
ان شاء الله ياحماتي عن قريب انت هتفضل هنا ياعماد مش هطلع بقا ترتاح ياحبيبي
عماد
هاااه ااه ياحبيبتي يلا بينا نطلع فوق عن اذنك ياما انتي وشرين
الام
اذنك معاك ياضانيا وطلعت انا وعماد وحمات
قالت لشرين
الحما
شوفي ياختي البت مستكترة عليه يقعد معايا شوية هي ايه هتاكله كله لوحدها بس والنبي لاوريكي يا هيام
شرين
انا الصراحة استغربت ياحماتي شوفتي لما لاقته قاعد معانا عملت ازاى ويلا ياعماد على فوق ايه ده دي بتتدلع اوي الصراحة ياحماتي
الحما
سيبك منها انا مستنية بس اشوف اخرتها معايا ايه لو مخلفتش الواد وحيات امها لاجوزه
شرين
واختي موجوده وخلفت الواد
والبت قبل ما جوزها يروح الله يرحمه
الحما
ريحي نفسك يا حبيبتي انا مش هخلي
ابني
يربي عيال حد
شرين
فيه اي يا حماتي والله ما اقصد حاجه انا عارفه
ان اختي بنت حلال علشان كده كلمتك
عليها
الحما
عارفه ياختي وربما يكرمها بعيد
عني اه انا قولتك الف مره شيلي موضوع الخلفه
ده من دماغك
شرين
اللي تشوفي يا حماتي معاكي فيه
وبعد شهر وعماد كان لسه اجازة حسيت اني تعبانة اوي وقولت له
هيام
انا تعبانة ياعماد وعايزة اكشف عالطول حاسه
بدوخه
عماد
ليه ياحبيبتي مالك بس في ايه تعالي نروح للدكتور نكشف
وفعلا خدني عماد ورحنا لدكتورة وقالت لي
الدكتوره
مبروك يامدام هيام انتي حامل في الشهر الأول
عماد بفرحة
بجد يادكتورة مراتي حامل انا مش عارف اقولك ايه انتي فرحتينا اوي يادكتورة كتر خيرك
الدكتوره
المهم ان المدام متعملش اي مجهود لازم الراحة التامة الحمل لسه في أوله وممكن لقدر الله يحصل حاجة عايزكي الأشهر
الاوليه دول تريحي نفسك خالص ومش تعملي
مجهود
كبير
عماد
ان شاء الله مش هيحصل حاجة انا هخلي بالي منها عن اذنك يادكتورة
ورجعنا البيت وعماد قال لأمه على الحمل
وفضلت تزرغط كتير وفرحانة وقالت لي
الحما
الف الف مبروك والله العظيم انا كنت
حاسه ان ربما هيفرح قلبي قريب
طيب والدكتوره دي مقالتش واد ولا بت ياهيام
هيام
لا ياحماتي لسه مايبانش طبعا في الأول كده لسه كام شهر كمان المهم أن خلاص
حصل حمل ولد بنت بقي دي حاجه
بتاعت ربنا
الحما
لا لا يا حبيبتي الكلام ده مش عندي
انا اه العيله دي كلها بتجيب صبيان
ومش علي اخر الزمن تجيبي بنت
انتي تروحي بكره ليها ولازم تعرفي انتي
حامل في اي ولد ولا في بنت
عماد
ياما لسه بدري على الكلام ده وبعدين يا ست الكل خليكي مأمنه ان دي حاجه بتاعت ربنا .ومينفعش الكلام ده
على العموم انا همشي دلوقتي عشان رايح مشوار لواحد صاحبي وراجع
وسبنا عماد ومشي وحماتي
قالت لي
الحما
طيب اسمعي يابت انا عايزة واد مش بت انت سامعة ولا
لا انا مش بحب البنات لحسن والمصحف ياهيام لو مجات بت لكون مخليه ابني متجوز عليكي
هيام
هو انا احمل تقوليلي هجوزة محملش تقولي هجوزة هو في ايه يا حماتي بالظبط وبعدين الواد ولا البت دي مش بأيدينا دي برضو بتاع ربنا
الحما
عشان انا مش عايزه بنات عايزة ولاد عايزة رجاله ياختي فاهمة البنات بيعملو ايه غير انهم بيشيلو الهم لاهاليهم انما الواد بيبقا راجل ويعتمد على نفسه وأهله بيعتمدو عليه زي ولادي الرجاله كده
هيام
ان شاء الله ياحماتي ادعي لنا انتي بس وربنا يسهل الحال ان شاء الله
وعند شرين كانت اختها عندها وقالت لها
يعني البت هيام حملت ياشرين وانا لسه اااه يااااني ده انا حاسه اني هيجرا لي حاجة
شرين
بعد الشړ عليكي يا دينا ليه بس يا حبيبتي ليه بس بتقولي كده وبعدين مانتي روحتي لبدل الدكتور عشره وكلهم أكدو انها مجرد وقت وتعدي
دينا
انتي متعرفيش حماتي وحشة
ازاى ياشرين دي بتعاملني معاملة العبيد دي عايزة تخلي أمير يتجوز عليا عشان قال ايه لسه مش عارفه اجيب له حته العيل
شرين
والله حماتك دي عايزة الولعه عامله زي حماتي بالظبط هما كل الحموات كده اعوزو بالله منهم ياشيخة عامله اكلمها علي اختك ناهد
نفسي افرح بيها وهي مش راضيه
بتقولي مش هخلي ابني يتجوز واحده معاها عيال
دينا
انت اكيد بتهزري لا طبعا يا بنتي وهي ناهد هتوافق على كلامك اللي انت بتقولي عليه ده
شرين
يا اختي وايه اللي هيخليها ما توافقش يعني مش احسن ما هي قاعده كده زي البنت اللي واقفه عند ابوكي وعماله تاخد منه مصاريف للعيال
دينا
ده بدل ما تحمدي ربنا انك عايشه مع جوزك
ايه يا عيني اتيتمت بدري
شرين
انا عارفه ان الكلام معاكي ولا هيودي ولا هيجيب واحنا كان ذنبنا ايه يعني مش الفلوس اللي ابوك عمال يبعترها دي
المفروض
احنا لينا فيها
دينا
بقولك اي خلينا في مشكلتي والله انا
مش قادره اتكلم واحل مشاكل حد
شرين
بجد معرفش اي اللي حصل للحموات والله
كلهم بقوا حاجه فظيعه
دينا
اه والله الهي شوطه تاخدهم كلهم الحموات الشريرة دي اللي معندهاش ډم دي
شرين
المهم انتي تبطلي حزن ومتشليش هم حاجة وان شاء الله تعدي على خير وتخلفي بدل العيل اتنين
لما اقوم اروح بقي لاحسن مش عايزه
مشاكل مع حماتي وفي الوقت ده دخلت ناهد
ناهد
رايحه فين يا بنتي الاكل خلاص قرب يخلص
مش هتكلي قبل ما تمشي ولا اي
شرين
لا ياختي بقولك اي ما تبقي تيجي
يوم عندي كده قبل ما عماد يمشي ويسافر
خلي يشوفك
ناهد
تاني كلام في الحوار ده ي بنتي انا لا يمكن
افكر اتجوز بعد جوزي الله يرحمه
شرين
هو فيه اي خلاص برحتكم كتكم الأقرف انا
كل
اللي يهمني مصلحتك وكل واحده فيكم
تتكلم بالطريقه دي انا ماشيه اوعي كده
من وشي وبعدها مشيت
وعدت الايام وعماد قالي
انا مسافر بالله عليكي خلي بالك من نفسك
بجد متعرفبش انا خاېف عليكي ازاي
وكلي كويس وامه قالت له
الحما
اطمن ياحبيبي مراتك في عنيا لحد لما تولد وتقوم بالسلامة هي وابنك
هيام.
يعني مش هتبقا موجود وانا بولدي ياعماد
الحما
يووه ماحنا كلنا هنبقا حواليكي ياختي جرا ايه يابت ايه الدلع ده كله ماتسيبي جوزك يمشي خليه يلحق طيارتة
هيام بعياط
حاضر خلي بالك من نفسك ياعماد وابقي طمني عليك اول لما توصل هناك ياحبيبي
الحما
ماخلاص بقا يابت هو ايه المحڼ ده بطلي ياختي بلا دلع يلا ياحبيبي لحسن عمرو صاحبك مستنيك برة بالعربية
عماد
حاضر ياما انا همشي اهو وخلو بالكم من نفسكم يلا سلام عليكم
ومشي عماد وفضلت زعلانة عليه
فترة وعدي على الحمل اريع شهور وحماتي قالت لي
الحما
المره دي بقا