_مين دي اللي خريجة سياسة وإقتصاد!!
بصتله بسخرية وقولت
حضرتي.
شرب من الماية تاني وقال بعد ما عدل نضارته
_دا إزاي اللي أعرفه عن بنات الريف إنهم مش بيتعلموا.
قربت منه شوية وقولت
إنت عايش في سنة كام لأ طبعا بنتعلم بس الفرق إننا مش بنخرج ومعظمنا مش بيشتغل بعد ما بيتخرج لكن اللي عايز يتعلم ويتحضر بيعمل كدا إنت بجد بقيت بتضحكني دلوقتي.
بصلي پانزعاج طفيف وقال
_بضحكك إزاي يعني!
بصتلت بتوتر شوية وقولت
عشان بكلامك دا بتوضح إن إنت اللي جاهل.
بصلي بنظرات كنت حاسة إنها هتو لع فيا غيرت الموضوع بسرعة وقولت
_إنت جايبنا المطعم دا منظر ما تطلب الأكل أنا جعانة جدا.
رجع بضهره لورا وهو لسة باصصلي پانزعاج وأنا مبتسماله ببلاهة طلب الجرسون وطلبنا الأكل بعدها بعد ما خلصنا أكل وطلعنا من المطعم إتكلم وقال بتردد
إنتي ليه مقولتليش إنك متعلمة لما قولتلك إنك جاهلة.
بصتله شوية بصمت وبعدين قولت بحزن بحاول أخفيه
_لإني في الوقت دا كنت خاېفة منك وكنت متدايقة برضوا وكنت عايزة امشي من قدامك بآي طريقة عشان..
قطعت كلامي أول ما فكرت إني كنت هقوله عشان أعيط وبصيتله بإبتسامة حزينة وكملت
_عشان أنام لإني كنت مرهقة اليوم دا ومش حمل نقاش.
سيبته واقف في مكانه وركبت العربية نزلت مني دنوهو كان لسة واقف زي ما هو وحاطط إيده في جيوبه وقال ببرود
_قومي يلا إجهزي عشان هننزل كمان ساعة.
إتكلمت بعصبية وقولت
إنت إزاي تدخل الأوضة وأنا نايمة أصلا وبعدين إي اللي كان موقفك فوق راسي كدا هتق طعلي الخلف.
إتكلم بهدوء بعد ما قرب مني شوية وقال
_كنت بتأمل.
بصيتله بإستغراب وإحراج وأنا بحاول أبعد عنه لحد ما فصلني وقال
بصراحة أول مرة يعدي عليا كائن بينام بالطريقة دي يعني رجليكي إزاي فوق وإنتي نايمة وإي اللي جابك لآخر المقعد أصلا وإيديكي مش فاهم موقفهم بصراحة حقيقي أول مرة أشوف كائن كدا ف حبيت اتأمل.
سابني ومشي من قدامي ببرود وإستفزاز ك عادته وسابني واقفة پانزعاج وبصاله بسخرية لبست فستان بسيط وطرحة وطلعتله أول ما شافني إداني الشنطة بتاعته اللي فيها اللاب توب وكتابين وقال
_تعالي ورايا يلا.