#_مشـ,ـكله_جديده
السلام عليكم
انا مشـ,ـكلتي غريبه شويه ارجوكم تحملوني…انا رجل 42سنه متزوج وعندى اربع أبناء الكبير رايح ثالثه ثانوى
اتعرضت لمشـ,ـكله من سنه بالضبط واتحبست ظلم
وقسما بالله ظلم ولسه طالع من ايام قليله…
المهم بعد مااتحبست بحوالي شهرين بنتي بعتتلي جواب أن أمها بتكلم واحد عليا وبتقفل الباب علي نفسها وبتسمع اغاني رومانسيه ..قالتلي اسمه هوه صديق عندى وعارفه كويس وهيه كمان تعرفه ..طبعا انصدمت مراتي مؤدبه جداااا رغم أن فيه مشاكل بينا كتير بس بنقدر نحلها بسرعه..
دماغي كانت هتن..فجر وكنت بعد الايام عشان أخرج
ويعلم الله اني عانيت وكل يوم ظلم مر عليا كأنه سنه بالضبط..وكنت ببكـ,ـى ف اليوم اكتر من مره ومش قادر اقول لحد حاجه..بستغرب ازاى مراتي المنتقبه بقالها ١٨سنه والناس بتحترمها تعمل كده..
المهم خليت بنتي ال١٢سنه تكلمها وتهد..دها أنها هتقولي
المهم خافت وبطلت فتره ..بعد حوالي ٧شهور الأبله نزلت ايمو وبنتي شافت بنفسها كلامهم وفيه كلام قذ.ر وحب وغرام وووو……
انا خارج دلوقت بقالي كام يوم ومش مبين لها اى حاجه ..ويوم مااخدت البراءه هي نبهت عالبنت وقالت لبنتي اوعي تحكي لبابا حاجه انا خلاص نسيت الموضوع ومفيش حاجه….
لما خرجت مش لاقي اي دليل عليها لأنها كانت بتمسح كل حاجه من الماسنجر لكن لقيت مراتي عامله أحببته قلب احمر علي صور الكلب. ده ..ومعايا كام صوره بكده …
دلونى اعمل ايه ..سمعتي وسمعة ولادى خصوصا اني معروف ف البلد بالسمعه الطيبه وهيه كمان..انا هتجنن بقالي سنه بم.وت من الموضوع ده..
المشكله مفيش حد من أهلها عاقل أكلمه
ومش معايا دليل غير كلام بنتي
وخائف محدش يصدقني
والطلاق خراااب وابني داخل ثالثه ثانوي علمي علوم ومتفوق
ابوس ايديكم دلوني اعمل ايه
ارجو النشر بدون اسم
سوء الجيره
فيه جار واقف في الشباك قصادك دايما مش مستني حد ولا بيشم هوا ده بيستنى الستات تطلع علشان يشوف شغله
هتلاقيه واقف بفانله كت وشورت داخلي وسيجارته فبقه ولا بيخاف من ربنا ولا من نظرات الناس ولا منك انت شخصيا لانه ببساطه هيقولك انا فبيتي بشم الهوا
بيستني جارته اللي بتطلع تنشر الغسيل علشان يستمتع بقي بشكلها وبحركات ايديها وبانحنائها وراشق عينه فعينها بكل بجاحه ولو الست تلاحظ مبينزلش عينه بيخليها تتاكد انها مرغوبه حتي لو متجوزه
راجل واقف زي العاهة في الشباك كل يوم بيزهقك في عيشتك وبيقرف زوجتك في نفسها وفي وجودها ومحرم عليكم الهوا النقي لانك بسببه مركب كذا ستاره
واحد كدا قاعد للساقطه واللاقطه وعنده عين بتخترق اي قماشه مهما كانت ويقدر يخليك تقرف من نفسك لمجرد انه بصلك بس لان بصته بصه ملوثة
تخيل لو راجل مراته بتقول له أنا مخنوقة وعاوزه اقف فالبلكونه اشم شوية هوا ..تطلع تلاقي اللي واقف بالبوكسر وبياكلها بعينه وهو ساكت مبينطقش
اللي زى ده سبب رئيسي في النكد بين الازواج وخوفهم ولبسهم ونبرة صوتهم لدرجه انهم احيانا بسببه يطلعوا ينشروا الغسيل في وقت مفيهوش الشمس ولا الناس ولا الرجالة بتقف في الشباك تبص على الستات
اللي قصادك ده مش جارك دي بلاعة نكد مفتوحة وبتطفح كل يوم .