سلام عليكم انا عملت ذ.نب كبير قوى و لحد دلوقتى مش مصدقه أن انا اعمل حاجه زى كده اقسم بالله انا واحده محترمه جدا و بسببها طلبت الطلاق و أطلقت من جوزى وهو لحد دلوقتى ميعرفش انا صممت عالطلاق ليه رغم أنه كان ببيكى وهو بيطلقنى
الحكايه انى متحوزه من ١٨ سنه جوزى أكبر منى ب١٠ سنين انا فاواءل الأربعينات لكن شكلى صغير جدا كانى لسه فالجامعه و جميله الحمد لله
جوزى بقالنا بالظبط ١٠ سنين مش بيقرب منى بمعنى الكلمه مفيش مسكة ايد حتى حاولت كتير كان يقرص صوابعى و كأنه هيكسرهم أجرى عليه احاول احضنه وهو راجع من الشغل كان يزقنى وأوقات يوقعنى
كان يقول لى انتى تخيىنه و شكلك بقى وحىش انا قرفان منك رغم أن وزنى زايد خمسه كيلو بس والكل بيقول لى انتى رفيعه ، رغم أن مهتمه بنفسى جدا ، انا بيضا جدا زى الممثلات هو اسمر انى لكن دائما شايفنى سوىده بمعنى الكلمه بيقول لى انتى سوده مش كلمة سمرا حتى. بس الست مهما كان طول ما جوزها شايفها حلوه يبقى طز فاى رأى فالدنيا
انا للاسف عندى احتياجات نفسى اسمع كلمه حلوه نفسى اعرف كلامه صح او لاء ، بقيت اعمل حاجات جدعنه مع الناس واساعدهم وافرح لما حد يقول لى انتى ذكيه لكن هو شايفنى غبيه مش بفهم
بس عملت عمله فاحشه، اتعرفت على شخصين عالانترنت لمدة يومين و بقيت ابعت لهم صورى من غير وشى و كلمتهم و سمعت منهم نفس الرأى و بقيت فرحانه ان حد بيتغزل فيا و محدش فيهم شك لحظه انى كبيره فالاربعينات حتى صوتى طفولى جدا ، و للاسف غلطت معاهم بس من بعيد يعنى كلام وكده و محدش فيهم قال لى انتى تخينه كنت اسالهم يستعجبوا .
بس بعدها عملتلهم بلوكات و الاتنين هيموىتوا ويرجعوا يكلمونى تانى بس انا قفلت الاكاونت ده خالص و لغيت المحادثات والصور
وزعلانه قوى من نفسى
انا كنت بس نفسى احس انى مرغوبه وأتى حلوه و اسمع كلام حلو
انا وقتها كان جوايا كمية غضب رهيبه لأن اكتشفت أنه إنسان وحش جداااااا
انا دلوقتي صممت عالطلاق لانه عرضنى للفتنه و خلى ثقتى تتهز وخلانى اسال رجاله معرفهاش إذا كنت حلوه او وحشه زى ما بيقول
انا أطلقت منه خلاص و عايز يرحعنى انا أطلقت منه و مش رضيت احد منه اى فلوس أو استغل الظروف
اعمل ايه عشان ربنا يسترنى على فكره انا عايشه فامريكا و الشابين دول كانوا فمصر و مش يعرفوا أنى فامريكا هم مش يعرفوا شخصيتى و لا انا مين بس خايفه يكونوا سجلوا لى أو حفظوا الصور رغم انى مسحتها
وحوزى انا كرهته جدا ومش عايزه خاصة أنه كان بيشتكينى لكل الناس انى مش بشتغل و قاعده فالبيت ماليش لازمه والله بنفس اللفظ