انا النهاردة بايته عند اختي المتجوزة
من شوية وانا نازلة اشرب مية سمعت حماة اختي هي وبنتها بيتوشوشو
و بيحكو سمعتهم ڠصب عني قالت لبنتها يا بنت انتي وديتي المفتاح بتاع الاوضة اياها فين
قالت لها بنتها حطاه ف علبة الشاي جوا كيس فالدولاب عندك فالمطبخ
قالت لها امها اوعي يكون حدك شافك وانتي داخلة الاوضة!
ردت عليها لأ اطمني ومشيت
انا طلعت عند اختي سألتها هي الاوضة المقفولة اللي فالطابق ده فيها ايه
قالتلي اختي مش عارفة من يوم ماتجوزت مش راضيين يقولو فيها ايه حتى جوزي مايعرفش وحاول يدخلها كام مرة بس مش لاقي المفتاح بتاعها
و حماتي مش راضية تخلينا ندخلولها
انا ماقلتلهاش انا عرفة المفتاح فين وجوزها شغال الليلة
فكرت اروح اعرف فيها ايه وخفت الفضول هيقتلني مع العلم هما نايمين تحت فالطابق الاول واوضة اختي فالطابق الثاني
قررت أفتحها وانا مړعوپ جسمي كله كان منمل ومتلج من الخۏف فتحت الباب ولسه هشغل النور لقيت
لقيت اخت جوز اختي بتقولي انتي بتعملي ايه
قولتلها ابدا مفيش انا بدور علي اي كشاف علشان النور كل شويه يقطع زعقتلي وقالتلي مش المفروض تستأذني الاول صوتنا علي واللي في البيت صحيو لقيت اختي بتقولي فيه ايه بتزعقو ليه.
قولتلها انا بدور علي الكشاف زي ما انتي قولتيلي وغمزتلها علشان تفهم قالتلي الكشاف مش هنا يا حبيبتي الأوضه دي مفيش حد بيدخلها ومتسألنيش ليه علشان انا معرفش حماة اختي قالتلي مش من حقك تتجولي في البيت انتي مجرد ضيفه هنا وعيب اللي بتعمليه ده طبعا كنت مغلوله منها جدا وعايزه اقولها ده بيت اختي.
لكن ابنها مش سكت وقال لأمه ميصحش اللي بتقوليه ده دي مش ضيفه عندنا ده بيت اختها يعني بيتها طبعا اخته الشملوله مسكتتش وقالتله متزعقش لأمك علشان دي وكان واضح من اسلوبها هي وامها انهم بيعملو كده علشان مروحش لأختي تاني حاولت اهدي الموضوع واعتزتلهم وقولت انا مش قصدي حاجه.
انا مش بحب اعد في الضلمه وبيجيلي ضيق تنفس وغيرنا الموضوع لكن نظرات بنتها ليا كانت كلها حقد وغل ومش عاوزه تعدي الموضوع بالسهل عاوزاني امشي لكن علي مين المهم كل واحد دخل نام الا البنت الغلاويه دي فضلت صاحيه وقاعده في الصاله.
انا عملت نفسي دخلت الحمام ورجعت المفتاح مكانه بالظبط ولما رجعت لأختي علشان انا جنبها لقيت البنت دي بتزعق وبتقول لجوز اختي هي فتحت الاوضه ازاي وجابت المفتاح منين البنت دي بتتحثث علينا وصوتها علي جدا كلنا صحينا من النوم وخرجت انا واختي اختي سألتني انتي فتحتي الاوضه ازاي شئ الهمني وجاتلي فكره قولتلها الاوضه كانت مفتوحه.
بفتح الأوكره لقيت الباب انفتح حماة اختي قالت لبنتها فعلا انا اخر مره فتحت الباب ونسيت اقفل الباب بالكالون انا اخر واحده فتحت
الباب سبحان الله ربنا عماهم والموضوع عدي خلاص انا خۏفت اكتر علي اختي وقولتلها لازم الأوضه دي تتفتح السر اللي في الاوضه ده اكيده حاجه كبيره بتحصل ولازم جوزك ياخد موقف المهم اختي قالتلي انا الفضول هيقتلني اكتر منك.
لكن لازم نستخدم عقلنا ونفتح الاوضه من غير ما حد يحس والأهم اننا نكون لوحدنا قولتلها قولتلها انا عارفه مكان المفتاح لكن اكيد غيروا مكانه عدي علي الموضع ده يومين واختي فضلت تزن علي دماغ جوزها لازم نفتح الأوضه والا همشي من هنا ومش هرجع البيت ده تاني وانا بكلمه واختي بكلمه وهو مصمم
ميفتحش الاوضه اليوم خلص ومش عارفين نقنع جوز اختي خالص اصل شخصيته ضعيفه مع امه بالليل اختي وجوزها كانو نايمين وانا كنت صاحيه بس سمعت صوت خطوات حد بيمشي ببص لقيت حمات اختي وبنتها فاتحين الاوضه
قولت اروح اطب عليهم واشوف الاوضه فيها ايه لكن كنت متردده بس فضلت اقرب من الأوضه علشان اشوف فيها ايه من بعيد فجأه لقيت البت اخت جوز اختي بتقولي انتي فاكره اننا مش شايفنك انتي هبله اووي تعالي شوفي احنا بنعمل ايه تعالي علشان تطمني.
قولتلها لا وقلبي كان هيقف ورجعت لأختي جرري وقولتلها اصحي بسرعه هما فاتحين الأوضه تعالي نشوف بيعملو ايه جوه اختي نزلت معايا وروحنا نشوف فيه ايه فجأه لقيت الباب مقفول ومفيش حد جوه واختي خدتني ورحنا لحماتها علشان تورينا الأوضه فيها ايه اختي قالت لحماتها افتحي الأوضه علشان عاوزين نشوف فيها ايه.
اخت جوزها قالت احنا قفلناها وبعدين انا قولت لأختك تيجي تشوف الاوضه قالتلي لا واتهربت اختي قالتلها الاوضه فيها ايه اوصفيلي قالتلها فيها جهازي كله ولما اتجوز الاوضه هتتفتح ومش هتتقفل تاني قولتلها طيب عاوزه اشوف جهازك قالتلي بصراحه انا بخاف من الحسد متزعليش مني بس انا اقل نظره بتجيب اجلي احرجت اختي واحرجتني.
المهم اليوم عدي زي اللي قبله وسمعت حماة اختي وهي بتقول لبنتها متنسيش احنا هنروح اسوان الاسبوع الجاي جهزي نفسك وامني علي الباب كويس طبعا سمعت الحوار ده وقولت لأختي اللي سمعته بالحرف اختي قالتلي هتبقي فرضه نكسر الباب ونشوف فيه ايه.
المهم فضلنا نفكر في اي حاجه تخلينا نفتح الباب منغير ما حد ياخد باله جاتلي فكره قولت لأختي عرف جوزك اننا هنروح لماما وهنعد عندها اسبوع او 10 ايام وفعلا اختي قالت لجوزها ع الموضوع ده نزلنا نتغدي كلنا مع بعض والكلام جاب بعضه وحماة اختي عرفت اننا هنروح لماما وهنعد معاها عشر ايام قالتلنا تروحو وتيجو بالسلامه.
اختي جهزت هدومها وهدومي ومشينا تاني يوم وحماة اختي وبنتها مشيو هما كمان والبيت فضي فعلا مشينا واتأكدنا ان حماة اختي وبنتها سافرو اسوان رجعنا البيت بالليل وفتحنا
الاوضه لقينا
لقينا الأوضه مفهاش اكسچين خالص شغلنا النور وكانت المفاجأة كان فيه قطط وكلاب سوده متحنطه والحيطان عليها كتبات غريبه اكتشفت انها طلاسم وشعوذه واتأكدت اكتر لما لقيت صور بنات مع خطيبها ومتخيطين